Ke Au Okoa, Volume II, Number 4, 14 May 1866 — Untitled [ARTICLE]

Hookamalii no hoi na wahine. - I ke ahiahi Poakolu iho nei, ia makou i hoi aku ai mai ko makou hale hana aku, halawai aku la au me kekahi mau wahine e lele kowali ana ma ke alanui Kalepa, me he mau lio holo hula haole la ka lele kainepu o na wawae; me ka olelo ae o kekahi wahine penei, "E hu-e olua iaʻu, i ike olua i ke kaikamahine o Kauanonoula nei - e." He nana wale ae nei no aole e loaa ka lua o na wahine o nei manawa ka lilo loa o ka manao ma na hana lealea a kamalii. Ku i ka nuku eueu. - I ka puka ana mai o ko makou hoa'loha ma kela aoao o ke alanui ke Kuokoa, ua ike iho makou i na olelo e hilikau ana no makou, e pili ana no ka loko o Maunalua, o Moanalua ka makou i olelo ai. Ua hala no paha ka a i ko makou maka, a komo ka o. aka, aole nae makou i poluluhi i na wai ona. e like me ka hai malule ana i ka wai hoeha ili, o kekahi lala nui nana e hooponopono nei i ke Kuokoa iloko o na paia eehia o Kawaiahao i kela Sabati aku nei. Ua manao no hoi paha ua o Kuokoa nei, aohe e hala kahi mea i ka maka, aka nae, i ka Poaono iho nei, ua ike iho no hoi makou i kau wahi hewa ma ka hunahuna e pili ana no Tatina opio. Aia ma ka pau loa ana mai e kau ana kahi wahi ku me ke kuleana ole. Heaha la? He ku oha paha? A ke i mai nei