Ke Au Okoa, Volume III, Number 40, 23 January 1868 — Untitled [ARTICLE]

He umikumamakahi la i koe luai ka paka ana ko kakou pepa o keia kakahiaka, alaila, hiki mai ka manawa o ke koho balota ana o ko kakou poe " waha olelo "ma ka Aha Hana Kanawai. I keia au nae, ua hookaokoa ia ka poe hiki ke koho, o like me ka hoakaka ana o ka Pauku 1 o ke Kanawai i aponoia ma ka la 31 o Dekemaba, M. H. 186-i, a penei ka heluhelu ana o ua Pauku la : "Pauku 1. 0 kela kanaka keia kanaka malalo o ka Moi ina ua hookaaia kona 3uhau, a ina ua hiki aku oia i na makahiki he. iwakalua, a ina ua noho paa ma keia Aupuni i hookahi makahiki inamua iho o ka la koho, a ina he waiwai paa hihia ole kona iloko o keia Aupuni e like me hookahi haueri me kanalima dala, a i ole ia, he aina hoolimalima kona, a o ka uku hoolimalima he iwakaluakumainalima dala no ka makahiki, a i ole ia, o kona loaa makahiki, aole emi malalo o na dala he kanahikumamalima i loaa noloko mai o-kekahi waiwai, a o kekahi hana kupono ma ke kanawai paha, -a ua ike oia i ka heluhelu ame ke kakaulimn, ina ua hanau oia mahope mai o ka makahiki 1840, a ina ua hookomo oia i kona inoa ma ka papa inoa o ka poe koho o kona apaua e like me ka mea i hoakaakaia mahope ae nei, e hiki no iaia ke koho i kekahi kanaka a paha o ka Poeikohoia no ia apana; aka hoi, aole e hiki i kekahi kanaka pupule a hupo paha ke koho, aole hoi i kekahi kanaka i hihia i ke karairaa nui ma ka hookolokolo ana ma keia Aupuni, ke ole i kalaia kona hewa e ka Moi, a ke ole hoi i loaa iaia na pouo a pau o ke kanaka kupa ma ia kala ana, o ka poe wale no i aeia ma keia pauku, o lakou wale no kai aeia e koho balota ma ke koho ana i na Lunamakaainana iloko o ka Hale Ahaolelo o keia Aupuni." Ma keia Pauku i haiia ae la, ua lehulehu no ka poe hiki ke lawe i na balota; oiai, he nui wale ka poe paahana i oi ae ko lakou mau loaa makahiki ma kekahi hana kupono, mamua ae o na dala be kanahikukumamalima i ka makahiki hookahi—a ina e manao ana ke kanaka i kona pono koho, ua haiia no ma ua kanawai la na mea o ke kanaka e kupono ai ke koho.

I ka Poalna iho nei, ua hoopuka ae la na Luna Nana Koho i ka Papa Inoa o ka poe i hooiaio ia kapono ke koho no ka Apana o Kona nei, "ma ka hookaa ana i ko lakou mau anhau mamua ae o ka la 25 0 Dekemaba aku nei. Ua hoopuka pu mai no hoi lakou i kekahi olelo hoakaka ma ke poo penei: " I mea e hooiaio ai ke kupono, a me ke kupono ole paha, o ka hookohu ana i ka inoa o na mea i komo ole iloko o keia papa helu inoa malalo, a i koi ae hoi e hoomana ia e koho: e noho ana na Luna Nana Koho i ke Keena Hana o ka Luna Auhau o Honolulu, i ka Poaono, la 1 o Feberuari, M. H. 1868, mai ka hora 9 o liakahiaka a hiki i ka hora 3 o ke ahiahi; a i ka H;ile Hookolokolo hoi i ka Poakahi, la 3 o Feberuari, M. H. 1868, i hookahi hora mamua ae o ka hoomaka ana e balota, oia hoi ma ka hora 7 a hiki i ka hora 8 o kakahiaka oia la." Ma ka Pauku 3 o ua kanawai nei o ka la 31 o Dekemaba, M. H. 1864, ua kauohaia ka Luna Auhau e hana i papa helu pololei o na kanaka a pau i hookaa mai i ko lakou mau auhau ma ka la 25 o Dekemaba, a mamua iho paha, a waiho mai i ua papa inoa la i na Luna Nana Koho. Ua hai ia mai makou, be mana no kai na Luna Koho e hookomo ai i na inoa o ka poe i hookaa iko lakou mau auhau mawaena'o ka la 25 a me ka la 31 o Deke•maba, ma ka papa inoa o ka poe i koho, ke hooiaioia mai imua o na Luna Nana Koho. He lelehn, wale ka poe i hookaa 1 ko lakou mau auhau mawaena o ka la 25 a me ka la 31 o Dekemaba, a he hiki no ke loaa ia lakou ko lakou mana koho. 0 ka papa inoa nae a na Luna Nana i 'hoopuka ae ai, aole i hookomo pu ia me ka poe i hookuu ia, e like me ka poe Kinaiahi a me ka poe iloko o ka Oihana Koa; a o keia poe nae, he mea pono ia lakou ke hele ae imua o na Luna Nana Koho e hooiaio ai i ke kupono ame ka ole ke koho. 0 ka poe a makou i lohe mai e holo balota ana no ka Apana o Kona nei, ma kekahi balota o G-odfray Rhodes (Kapena Loke,) E. H. Boyd (Ailuene,) Pinehaea ' Wood me J. W. Mr.kalena. Ama kekahi balota hoi o J. W. Austin, A. Prancis Judd, S. P. Kalama me J. Kahai. Ake waiho malie ae nei no makou na ka poe 'koho no, e koho i ka lakou poe hoi i manao ai he kupono.