Ke Au Okoa, Volume V, Number 49, 24 March 1870 — Halawai Kanikau no J. W. H. Kauwahi. [ARTICLE]

Halawai Kanikau no J. W. H. Kauwahi.

I KA LUNAHOOPONOPONO O KE AU OKOA: Ua ili mai i na mea nona na ino malalo ka hanohano paumako e hoouna aku ia oe me ka nonoi pu ana, e oluolu ia e oe ka hookomo ana iho e pai ia ma ke kauwahi kaawale o kekahi kolamu o ke elele ahailono au e hiipoi mai nei ; i ka hana a kekahi wahi halawai i kukulu ia ma Wailuku mokupuni o Maui e pili ana i ka make ana o ka mea kaulana J.W.H. Kauwahi. Ma Wailuku, Maui, March 8, 1870. Halawai na Hoaaloha a me na Lahainaluna ma ka halekula no ka hoakea ana ae i ko lakou aloha no J. W. H. Kauwahi, ka mea kaulana hoi. Ma ke noi a R. W. Kapohaku i kokuaia e ko ka hale, ua kohoia o A. Keohokalole i Lunahoomalu, a o D. Alawa i Kakauolelo. Ma ke noi a R. W. Kapohaku i kokuaia e ko ka hale, ua kohoia o Wm. H. Kaauwai i mea nana e heluehlu pakahi mai a hooholo pakahi hoi i kekahi mau olelo hooholo i hoomakaukau mua ia, a ua heluhelu pakahi ia a hooholo pakahi ia. Hooholoia 1 Ke hoohui aku nei na Hoaaloha a me na Lahainaluna e noho nei ma Wailuku Maui i ko lakou uwe ana no J. W. H. Kauwahi me kana wahine kane make e aloha la ia ia. Hooholoia 2 Ke hoohui aku nei na Hoaaloha a me na Lahainaluna e noho nei ma Wailuku Maui i ko lakou uwe ana no J. W. H. Kauwahi me kana mau keiki makua ole e uwe la ia ia. Hooholoia 3. Ke hoohui aku nei na Hoaaloha a me na Lahainaluna e noho nei ma Wailuku Maui i ko lakou uwe ana no J. W. H. Kauwahi me kona mau hoahanau ma ka oihana e uwe la ia ia. Hooholoia 4 Ke hoohui aku nei na Hoaaloha a me na Lahainaluna e noho nei ma Wailuku Maui i ko lakou minamina no J. W. H. Kauwahi me ka lahui Hawaii e minamina nei ia ia, i ka hala ana aku la o kekahi o ko lakou mau pookela o keia mau la. Hooholoia 5 Ma ke noi a ko ka hale, e oluolu ka Lunahoomalu a me ke Kakauolelo, e hoouna aku i kekahi kope o na hana a keia Halawai na ka wahine a me na keiki a ka mea make, a i elua kope i na nupepa, Au Okoa, a me ke Kuokoa. Hooholoia 6 Ma ke noi a Wm. H. Kau auwai i kokua ia e ko ka hale, e hooholo pau loa ia na olelo hooholo, a ua hooholo pau loa ia na mea a pau. Ma ke noi a Wm. H. Kaauwai, ua hoopau ia ka Halawai. ABEL KEOHOKALOLE, Luna Hoomalu. DAVID ALAWA, Kakauolelo. Wailuku, Maui. March 12, 1870.