Ke Au Okoa, Volume VI, Number 18, 18 August 1870 — HE KANAWAI [ARTICLE]

HE KANAWAI

E AE AI I NA PALAPALA AE N0 KA LAWE ANA I NA PU K3MANU, A ME NA PU E AE. No ka mea, o ke kanawai no ka hoomalu ana i na kolea a me na manu hoopomaikai e ae i aponoia i ka la 20 o Aperila, M. H. 1859, ua ike ia aole i loaa mai na pono imanao ia maia kanawai, a No ka mea, ua hoopoino nui ia ka oihana mahiai a me ka hanai holoholona o keia Aupuni, i ka hoomake ana i na manu hoopomaikai i laweia mai a i hiki mai paha, mai na aina e mai, a me na manu hoea mai i ko lakoumanawa, mamuli o kalawelawe nui ana i na pu kimanu, nolaila ; E hooholoia e ka Moi a me ka Male Ahaoīelo o ko Hawaii Pae Aina, i akoakoa iloko o ka Ahaolelo Kaukanawai o ke Aupuni: Pauku - 1. E hiki no ike Kuhina Kalaiaina, ke haawi iPalapala ae e lawelawe i na pu kimanu a holoholona paha iloko o ka 4p a n a o Kona, Mokupuni o Oahu, no ka makahiki hookahi,.i kela a me keia mea e.noi mai ana, ke loaa mai na dala Elima no ia Palapala ae. Pauku 2. 0 kela me keia mea ma ia apana e lawelawe ana i kēkahi pu, pu pokole, pu raipela, pu panapana, a me kekahi ano pn e ae, no ke kimanu a holoholona paha', ke loaa ole mamua ka palapala ae i olelo ia,' ke ku ka hewa iaia imua o kekahi Lunakanawai Hoomalu a Apana paha, alaila, e hoopaiia no oia ike dala aole eoi aku ike kanalima no kela ame keia ofeni; a ina i uku oleia ia dala, e hoopaahaoia ma ka hana oolea, a kaa ia dala hoopai a me na koina, e like me ke kanawai. Pauku 3. E kākauinoaia keia mau palapala ae, eke Kuhina Kalaiaina, i hoailona helu ia, e like me na la i hoopukaia ai, a me ke kau pu ana i ke sila o ka oihana, me ka hiki ole ke hoolilo ia aku ia palapala ia hai. Aponoia i keia la 18 o lulai, M. H. 1870. KAMEHAMEHA R.