Ke Au Okoa, Volume VI, Number 38, 5 January 1871 — Ka Hoike ia ana o na Waea-Telegarapa malu o Farani. [ARTICLE]

Ka Hoike ia ana o na Waea-Telegarapa malu o Farani.

Ma na nupepa Geremania e hahai ana lakou no na mea e pili ana i ka hui waea telegarapa naaiu ana o Parisa ma ka akau a me ka hema o Farani, a penei ka hahai ia ana: " Ua hoopilikia ia ka poe Perusia i ka imi ana i keia mau waea i huna maln ia, me ka loaa ole o ko lakou mau wahi i hoo' moeia ai. Iloko o keia manawa e huli ia nei, ua loaa mai«a palapala he nui wale ia Count Bismarck, Kenela Moleteke a me ka Hooilina Alii, ame he mea la ua kakauia ua mau palapala nei e ka lima ■waMne.' Maloko" oua mau palapala neL e noi ana ua lede nei e hoiokuu ia mai ke kane ana, ua hoopaa ia he paahao e ka poe Farani ma Montereana. I uku panai no ua hookuu ia ana la o kana kaue e hoike mai na oia i kekahi mea maln ano nui loa no ka pomaikai o ka poe Perusia. Ua nui wale ka hiki ana mai ' o keia uiau ano palapala ma na wahi hoomoana o ka ■poe Perusia, eia nae, e like no me ke ano mau o na palapala mua, aole -i manao ia akn ia mau mea, ua kapae wale ia aku no. Eia nae, ma ke kakahiaka o ka la 25 o Sepatemaba, ua hai ia aku ia Bisimaka, ua makemake nui loa kekahilede e kama--ilio pu me ia. Ua hookuuia mai ua lede nei e kamailio pu me ke Count, a hahai mai la oia, o na palapala a pau loa i hoonna ia mai ai i ke Count mai iaia ponoi mai no. 0 kana kane he kanaka ludaio,

he Hungaria nae ma ka hanau ana, a ua hoohiki ia nae oia i kanaka Farani; a o kona inoa o losepa Lanzer. Ua hoohana ia oia ma Parisa he eneginera hoomoe alahao, a mamua ae o ke paniia ana o ke kulānākauhale o Parisa, ua hoonohoia aku oia ma ka hana o ka hoomoe ana i waea telegarapa molalo o ka honua, mawaena o Parisa me Touro, a mawaena hoi o Purisa me Roūena. I ka paa pono ana oia bana i waiho ia aku ai, ua hoouna ia oia i Montereana me na olelo kauoha e nana pono i na laina alahao malaila, a e hoohou hoi, a ua loaa pu mai me na palapala hoike i na luna aupuni o ia kulanakauhale mai ia Kenela Trochu mai. Aka, i kona hiki ana aku i ua kulanakauhale la, ua hai ia mai la oia, oiai, he kanaka Geremauia oia ma kona ano o ka hanauia ana, he mea kupono e hōopaahao ia oia no kekahi manawa. He mau la

mahope iho, ua haiia mai la oia e ke Kiaaina o Montereana, ua hoomoe ia ekolu mau lua pauda hoopahu malalo o ka laina kaaahi e holo ana i Montereana, me ka manaoia e hoopahu i ka poe Perusia ke holo mai lakou ma ia alahao ; a ua make* make ia ua Lanzer nei e kukulu i batari uila, i kumu e loaa aku ai ke ahi e holo ai e hoopahu i ua mau lua pauda nei. Ma keia koi ia ana mai e hana, ua hoole aku uu kanaka ludaio nei, me ka hai aku, o kana hana i hoouna ia mai ai, oia no ka nana pono ana i ke ala hao ma na wahi inoino a me ka hana hou ana, a me ka nana pu aua i na waoa inoiuo, aole o ka hoomoe hou ana i na waea hou ; a no keia moH, ua ki'ola ia oia iloko o ka hale paahao mo ka hoomaka'uka'u ia aku i ka make.

Mahope iho o ka hooiaio ana aku o ua lede nei i ka oiaio o kana mau mea a pau loa i hahui aku ai, ua hui kuka pu o Bisimaka me Kenela Moleteke, a he ekolu hora mahope iho, ua hoomakaukau ia ae a kekuhi wahi huakai malu me kekahi mau koa hele wawae .a me na koa kaua lio, e holo ai i Montereami. I ke ano nhiani nn hiki akn ia na noe Perusia nei i ua wahi nei, a ua hopuia ke Kiaaiua me ka hookuu ia ana o ua kanaka ludaio nei mai loko mai o ka hale paahao. 0 na lua pauda i oleloia ua loaa iho la a ua hoopoinoia, a malalo o ke kuhikuhi ana a Lanzer, ua loaa iho ia i ka poe Perusia maloko o ka muliwai Seine, na waea telegarapa malu e hui ana me na mahele eha o kela wahi keia wahi e kamailio pu ai me ke kulanakauhale o Parisa." Ka Manauea.