Ke Au Okoa, Volume VI, Number 38, 5 January 1871 — Ke ano o ka Mare ana ma Boroneo. [ARTICLE]

Ke ano o ka Mare ana ma Boroneo.

Me he mea la o kekahi paha o na wahi ano e a kupanaha o ka mare ia ana, aia ma ka Mokupuni o Boroneo. Oke ano o kahoopalau a me ka hooipoipo ana, he loihi loa ka manawa a he ano nanenane ; aka, mahope iho nae o ka h'oomaopopo lea ia ana, na hoomakaia ka mare ia ana me ka hanohano nui. Ua alakai pakahi ia mai na mea mare, ke kane me ka wahine, mai kela a mai keia pea mai o ke knlanakauhale, a hiki ma kahi e mare ia ai. Ua hoonohoia laua maluna o kekahi pauku hao elua, he hoailona ia no ka nui a me ka maumaua o na pomaikai i hoahuia no laua. Ia manawa, na hookomo ia aku la ma na lima pakahi o laua he siga me ka lau o ke ano laau nioi, i awili pu ia me kft aila ok* hua pa-ma. Alaila, ku mai la kekahi o na kahunapule nana e mare ana, a kuehu ae la he mau manu

elua maluna o na poo o na mea e mare ia ana, a me ke kakaolelo loihi i ka Makua Nui, a me ka pule pokole maluna o na mea e mare ia ana, ua kahea aku e hoouna mai i na pomaikai maluna o lana, me ke noi aku e hoohanini mai i ka maluhia a me ka pomeikai maluna iho o ko laua hui ia ana, a e haawi mai i kekahi mau mea e pono ai na uhane, a i kekahi munawa, me he me la, e noi aku ana e haawi pu mai i na mana lapaau i oi ae mamua o na mana haipule. I ka pau ana o keia ano pili hoomana no ka pomaikai o na ohana, alaila, hoomaka maila ka oihana mare oiaio maoli, ma ke ano kanaka maoli. Ua pu-ke ia ae la na poo o na mea maleia, he ekolu a e eha paba mnnawa ; alaila, hookomo aku la ke kaDe male iloko o ka waha o ka wahine ike Biga a me na mea i haawi mua ia aku ma kona lima ; a pela laua i ike ia ai he mau mea i mare ia me ka apono ia e ko laua aoao hoomana. Mahope loa iho o ko laua mare ia ana, ua pepehi ia na manu elua i kuehu ia ae maluna o ko laua mau poo, ua kihee ia ke koko iloko o na kiaha a i elua, a mai ke ano wai hooluu mai o ia mau koko, e wanana mua ai ke kahuna i ka pomaikai a me ka ino paha e hiki mai ana maluna o na moa i mare hou ia. Ua hoopauia ka oihana mare me ka ahaaina a me ka hula walaau nui ana. Ka Manawa.