Ke Au Okoa, Volume VI, Number 41, 26 January 1871 — Ka Moi Uilama a me ka Koa. [ARTICLE]

Ka Moi Uilama a me ka Koa.

E hahai ana kekahi nupepa o Burnswika no kekahi wahi moolelo pokole e pili ana i ka piha o ka puuwai o ka Moi i ka manao aloha. Kekahi koa mai Meeklenburg, ua kukuluia oia i koa kiai mawaho mai o na puali Geremania imua o Parisa. Malaila i loaa mai ai ia ia kekahi palapala mai kona ohana ponoi mai ; a oiai, no ka loihi loa o ka manawa, aole e hiki iaia ke pale ae i ka hoowalewale ia ana mai e heluhelu iho ia mea ia manawa koke no. Ia heluhelu ana, m lilo puni loa ia kona manao ma ia mea, a aohe lohe ae o kona pepeiao i kekahi mau mea e ae e hanaia ana. Ia manawa koke no nae, lohe aku Ia ia i ka pohapohia o kapuai o na lio, a i alawa ae ka hana, o ka Moi Uilaina, ka Hooilina Alii, ame ko laua mau nkali; a i ka ike ana o ua koa nei i koDa Moi, ka hoohaule kokeHho la no ia i ka palapala i ka lepo, a haawi aku la no hoi i ke aloha mau me ka hapai ana ika pu. I ka ike ana o ka Moi no ia mea, ua hoopihoihoiia kona manao, kaohi mai la i ka lio, a ninau mai la i ke koa. "Na ka ipo aloha mai paha kau palapala?" A pane mai la ke koa, " E ka Moi, aole. 0 keia palapala, mai ko'u makuakane ponoi mai ia?" A ninau hou mai la kaMoi, " E oluolu anei oe e hookuu mai ia'u e heluhelu, a he mau mea huna anei kekahi naaloko o ka palapala a ko 'makuakane ?''

No ia noi a kona Moi, haawi mai Ia ua koa nei i ka palapala, a heluhelu iho Ia oia, penei: "He umi la i koe, alaila mareia kou kaikuahine; ama ia la ua nalo kou mau helehelena mai o makou aku> aka, okou makuahine ka mea hoonaukiuki i kou hiki ole mai. Mai manao nui nae oe ia mea, aka, e hele pololei aku oe imua i ka poe Farani me ke kuemi hope ole, a e hoopaa aku i na waha ana ole o ua poe la." Hoihoi mai la ka Moi i ka palapala a hole aku la me kono poe'ukali. Aolie i liuliu iki mahope iho, ua hookuuia mai la ua koa nei no na la he umikumamaha mai kona puali mai; a na ka Moi ke dala i hoouna ai i ua koa nei e hoi e ike i ka mareia ana o kona kauikuahine aloha ma Mecklenburg. Ka Manawa.