Ke Au Okoa, Volume VI, Number 43, 9 February 1871 — Ka Laina Mokumahu i Nu Holani. [ARTICLE]

Ka Laina Mokumahu i Nu Holani.

Ma ka nupepa Buūetin o Kapalakiko, makou i ike iho ai i kekahi mau mea e pili ana i ka Laina Mokumahu hou e kukuluia ana mawaena o Kapalakiko a me Nu Holani, me ke kipa ana mai ma Honolulu nei. E olelo ana ua nupepa la penei: " Ua halawai aku ke Komite o ke Senate no na Oihana Leta a me na alanui, me ka manao o na mea a pau e ake ana i ka pomaikai kalepa o ka aina, ma ka waiho'ana mai e hooholo ia ka Bila, e haawi ana i ka mana i ka Luna Leta Nui e hana ai i olelo aelike no ke kukulu aua i laina mokumahu, mawaena o Kapalakiko, Nu Zilani a me Auseteralia me ke kipa ana ma ka Pae Aina Hawaii. oka uku kokua i haiia } he §500,000 : a o ka poe e hana pu ia aku ai o ka olelo aelike o Wm. H. Weba, ka mea nona na mokumahu maikai ekolu i makaukau e hooholoia ma ua ala la, a me Holliddy a me Brenham o ka Hui Mokumahu o ka Pakika Akau, ka Hui nona na moku e holo nei mawaena o KapalakOio me Honolulu. Ina e holo io ana ka bila a lilo ia mea i kanawai, e loaa no i ka laina hou ka uku kokua holookoa mai ka Aupuni Amenka, a me na Panailaau i hiki aku i ka $800,000- no ka makahiki hookahi. Me keia puu dala e hoopiha ia iho ai na hemahema o ka- oihana i ka hoomakaia ana, a e lilo no paha ia me ke kanalua ole i mea e hoomau ai i ka oihana. "Ina no hoi e lilo i kanawai ka Bila a Ramcey i hoikeia mai ia Komite Hookahi, no ke kukulu ana i laina mokumahu mai ' Puget Sound aku i Honolulu, e like me ka makou e] manaolana Jae nei ; e hoihoi ia no paha na moku o Holladay ma e holo nei mai ia nei aku i Honolulu, maka laina mai Puget Sound a i Honolulu ; a o ke ala mai ia nei a Honolalu, no na moku o Weba, a hala loa aku i Nu Holani. Me he la, o ia ano hooponopono ana, e halawai mai no ia me ka hoonui ia ana o ko kakou mau pomaikai kalepa ma ia ala. He mea hiki no ke manaolana ia, e noonoo eleu ka Ahaolelo no ia mau bila, no ka hoomahuahuaia aoa o ke kalepa Pakipika ma ko lakou mau pomaikai, a aole hoi e hookuu aku e loloiahili ia me kekahi mau kumu ano okoa e loaa ole mai ai paha oka pomaikai. Malalo o ka olelo ae like me Nu Zilani, o ka la 16 o Feberuari ka wa kupono e haalele ai ka mokumahu Amenka mua, a he mea kupono no hoi ia ia ke lawe aku i na lono, aole i hoemi iho o Amerika Huipuia i kona manao akea o ka hooholo ana ia oihana mamua o ko ia Panalaau kakaikahi o Pelekane.