Ke Au Okoa, Volume VI, Number 43, 9 February 1871 — Untitled [ARTICLE]

He puana olelo i maa kahiko a kuluma iio hoi mawaena o kakou Hawaii ka olelo ia ana, " 0 kanaka he mea nee, aka, o ka aina he mea kumau no ia." Ua maopopo no ka oiaio o ia hopuna olelo i na mea a pau loa e noho ana ma ka poai o kekahi noho lahui ana ma ka ili papalina o ka poepoe honua nei. E hiki no i na kanaka akamai o keia noho ana, ke hoala mai i ko lakou mau ike naauao e noii aku i na mea huna ma ka lewa, ka aina a me ka moana; aka, o ka hoao ana e hoonee i kekahi apana aina, mai kona kulana mua aku, he mea hiki ole ia, a oia no paha kekahi o na mea i hookoeia aku mai ko ke kanaka mau mana hiki aku. Be hiki no i ke kanaka ke kukulu i aina paa ma kau wahi i ike mua ole ia o ka aina, he kai a he wai paha na kamaaina oloko olaila ; a he hiki no i ke kanaka ke hoohamama i kekahi wahi; aka, o ka hoonee ana i ka honua holookoa mai kau wahi aku a i kekahi, aohe mana kanaka e hiki ai, koe ka lawe iiilii ana paha no na manawa loihi wale e pau ai; aole nae e pau pu ana me kona papaku. 0 ka aina, ua hiki no ia kakou hui ke hooholo like, he mea pomaikai nui no ia ke loaa mai i ke kanaka, ke loaa nae hoi i ua kanaka la i loaa ai o ka aina na noonoo a me na hooko hana ana, e loaa mai ai ka pomaikai io maoli o ua apana aina la ; alaila, ua ikeia he waiwai a he pomaikai nui kai loaa mai i na aina la. Ma o ka hoohua ana mai o ua aina la i na waiwai oluna, i loaa mai ai ka pomaikai, aole i ua mea ponoi wale la no, aka, e kaana pu ia no ia mau mea mawaena o kona ohana a me ka lehulehu holookoa mai 0 a o. Oia ano kanaka i hoopomaikai ai 1 ua apana aina la, ma kona hana mikiala, ua pakui mai oia i ka pomaikai laulaha like mai o a o, a he kanaka kupono oia ke mamina nui ia ma ka poai o kekahi anaina; a ma kekahi olelo ana hoi, he " hao io " ia ano kanaka ; no ka mea, he pomaikai kana i hana ai nona iho, kona ohana a me kekahi poe e ae. 0 ua apana aina la i haawiia ia ano kanaka hana mikiala, e like me keia kumu hoohalike a makou i waiho ae nei, ua like no ia me ke "talena" i hoopukapuka maikai ia a ola paumi a pahaneri lakou. Aka, o ka apana aina i paulele ia aku ka waiho ana ma ka lima o kekahi kanaka, he makau kona mau maiao o komo ia mai e ka lepo, he hilahila i ke kau ana i ka oo a me ka pu-a huli ma ke kua, he mauele i ke pelu ana o na kuli i ka honua, he hoolilo nui i ka manao ma ka holo lio ana a haalele wale no na ka elemakule pupu e waele—alaila, o ia ano kanaka ua palaleha oia i ka hoopomaikai ana ia aina, a ua powa oia i na waiwai i manaoia mai ke kaanaia ana mawaena o kakou iho nei. I ka nana ana no ma na palena o na aina o ko kakou nei mau mokupuni, ua nui loa ka aina, a ua makemake nui ia nae ka lima o na hana mikiala e hu-la ae i na lua huna waiwai i waiho kahiko loa ia malalo 0 na e-ka uliuli, i ka ia ae no paha kekahi, aka, o ka hapanui loa no kai waiho iho na kakou no e paeli hou aku. Aole hiki iki ia makou ke hoomaopopo, pehea la i hiki ole ai ia kakou ke hanai ponoi no kakou iho, a lawa a nui kupono, a hoounaaku ma na makeke owaho—ina, e no ka maikai kupono o ko kakoo mau kau a me ka uliuli momona maikai o ka ; aohe mau paewaewa a loli mau ana o na kau, me he la, hookahi wale no ano kau, he malie. _ 0 na apana aina ma na kuaaina, he mea.kupono loa e mahi mikiala ia lakou, 1 hoohua. mai ai i {ka pomaikai e loaa ai i na mea a pau; no ka mea, o ke ola ana o ka hapanui o keia kulanakauhale a me kekahi mau kauhale ano like ma kekahi mau mokupuni e ae, ua hilinai no no ka hanaiia aua mai e na apana kuaaina. Ma ka ana t he nui wale na waiwai e hookomoia mai nei mai na aina e mai, a oia maamea he hiki wale no ke hoouluia kou mau kula c mo kou man aoao puu

e Hawaii. Ina hoi ha e Hawaii, healia ka mea i kau aku ai na maka i kahi e ? Ma ke kamailio ana no keia inea he aina, aohe mea nui e ae a makou e koi aku ai, hookulii wale no: a oia hoi, e malama pono a mai hooliln M-nle aku no i ko oukou mau aina iūa mal; !ii ui ona aina e. oka aina o ko kakou hanauia, ua ike no kakou, he puuhonua kauoha no ia mai ko kakou mau knpuua mai; a aohe poe mana a ku"leana e ae me ka hookiekie ana maluna o ua aina nei. e like me na kanaka Ha'waii maoli. E pono ia kakou a pau loa ke malama ake puliki mai i kela u me keia mau iniha aina o kakou ponoi; a mai hiaai wale na manao, me ka puni wale ana aku uo i na moraki ana i kumu e hooma4ihini mai ai o ua apana aina la i ka inea nona ponoi. Kekahi kumu oko makou manao ana, e paipai ma keia mea, no ka mea, me he la, aole i mamao loa aku na la mai keia wa aku, a e iho nui mai ana io kakou nei kekahi poe o na aina e mai ; aole no hoi i inamao loa aku ka manawa. Aka, ma ko oukou hooponopono ana, aohe pono o ka hoolilo loa ana ; o ka hoolimalima ka maikai, a e makaala pu no hoi ma ia mea i ole ai e komo pu mai na lauwili a me na hookauhihi pu ana mai. 0 ka poe hoi e noho ana ma keia kaona, e malama Dui lakou i ko lakon mau pa hale ; a e hoomaemae hoi i na hale, no ka mea, ua aneane loa e hiki mai ka manawa e lulumi nui ia mai ai ke kipaia ana mai o ko kakou nei wahi.