Ke Alakai O Hawaii, Volume I, Number 43, 27 October 1888 — Ke Komisina o Konola V.V. Akepoka. [ARTICLE]

Ke Komisina o Konola V.V. Akepoka.

[ Unuhina Hawaii] OIHANA 0 KONA AINA E, HONOLULU, 0CT, 16, 1888, Col. V. V. Akepoka, Aliikiekie o na Koa Pualu Hawaii. Aloha oe :— Ua loaa ia'uka hanohano e hoike aku ia oe, mahopeiho oka hooiāio ia ana o koa inoa imua o ke Kuhina o ko na Aina E ma ke ano oia ka mea i kohoia e na bataliona elua no ke Kolonela no na Koa Pualu Hawaii, aole i kue ia e ka hapanui o na Kuhina, ua hoomakaukau ia kekahi hookohu nou a ua waiho ia aku imua o ka Moi no ke kakauinoa ia ana. Mahope o ka hala ana o kahl manawa no ka noonoo ana īa mea, ua hoole ka Moi i ke kakauinoa ana i ua komisina la. Mahope mai ua hooholo ia ma keka— hi halawai ana o ka Aha Kuhina, e haawi aku ke~Xuhina o ko na Aina E he palapala hooia no kou koho ia ana, a me kekahi olelo hoakaka o na mea a pau iloko oia 'mea, a e hoonoho aku ia oe ma ke kulana hoomalu aku i na koa Pualu Hawaii. I kulike ai me ia olelo hooholo, m keia ke hooia aku nei au ua koho ia oe i Kolonela no na Koa Pualu Hawaii, e ka hapanui o na 'lii, ko lakou mau ukali a me na 'liikoa ē ae o na bata!iona elua. A ma keia ua hookohu ia oe i Konela no na Koa Pualu Ilawaii mai keiala aku a ua kauoha ia oe e lawe aku i ka hooponopono ana, me kou hoike ana mai ia'u i kau mau hana a pau malalo o keia hookohu. Owau iho no, o kau kauwa hoololie. Jona|. Aust:n, Kuhina o ko na Aina E