Ka Elele, Volume 1, Number 3, 6 May 1844 — Untitled [ARTICLE]

O ka mai Kunu. — Ua emi no i keia manawa, aole nae pau loa; ua koe no kekahi. He ua, a me ke koekoe i keia mau la, a oia paha ka mea e loihi ai keia mai. Ka nahaha ana o ka moku Kinau. Ua lohea ma Honolulu nei ka naha ana o keia Kialua, mawaho o Kaholalele, ma Hamakua, Hawaii. Mamua ponoi no o ka pii ana oka ihu, ka liu ana. Ia naha ana, o ka hoi mai no ia i Lahaina ia la no, oia ka la 13 o Aperila iho nei, a hoi loa mai no i Honolulu nei e kapili ai ka naha. Ka aihue. — He mea nui loa ia ma Honolulu nei i keia wa; akahi no a nui keia hewa ma keia kulanakauhale. Eono ha-

j lc i lohea iho nei, ua wawahiia a ua aihueI ia ka waiwai; o ke elala kekahi, a o ka j lole kekahi. Pehea la e pau ai keia ino nui? Ma na kanawai paha kekahi mea e pau ai, o ka olelo a ke Akua kekahi. Aia huli na kanaka i ke Akua, o ka pau no ia o ka aihue a me na hewa a pau. Ka mai ona lii. Ua mai iho nei ka Moi; o ka hui ma ke kuli kona mai; o kona mai kahiko no ia. Ua eha loa inamua iho nei, aka, ua oluolu i keia mau la; ua | holo iwaho maluna o ke kaa. O ke Kuhina kekahi mea mai; ua palupalu kona kino e noho nei; aole nae pilikia loa. Aia ma ka ai ame ka umauma kona mai. Ua pale ka nui o ke kumu o keia kulanakauhale; aole nui i koe. Hc nui ka ua i kela mau la aku nei, a nolaila, kumu hou kekahi poe. Ua malie nae i keia manawa, a ua oluolu ka noho ana. Uliuli maikai ko makou wahi i keia manawa i ka nui o ka ua.