Ka Elele, Volume 1, Number 3, 6 May 1844 — KA NONANONA. [ARTICLE]

KA NONANONA.

Ua paa i ka buke kekahi mau Nonanona o ka makahiki eha; he hapalua ke kumu kuai. O ka poe makemake e hoakaka mai. Eia kekahi; ua malama kekahi poe kakaikahi i ko lakou Nonanona, a ua hoihoi mai ia Daimana, e humu a paa i ka buke; ua naauao ia poe. O ka nui o ka poe lawe, aole malama, kiola wale aku no; a i keia manawa, nui ko lakou mihi. Ua ike lakou i ka hewa, a ua kii mai i ka Nonanona paa i ka buke, me ka uku nui mai i hapalua. Nolaila ea, e malama i na pepa a pau o ka Elele, mai kiola aku, a pau ka makahiki, e hoihoi mai ia Daimana, i paa i ka buke. He hapawalu wale no ka uku no ka humu ana. E nana pono i keia olelo paipai.

He mau kanawai hou e hoopii aku ai | imua o ka Ahaolelo alii. Auhea oe, e ka Ahaolelo Hanohano, ha no iloko ou ka noeau, a me ke akamai, a me ka naauao, pau ole i ka lieluia. Nolaila manao makou e hoopii imua ou i kekahi mau kanawai, a makou e imi ai, i mea e pono ai keia lahuikanaka. E hiki ia oe ke nana mai i ka pono a me ka hewa o keia mau kanawai. Eia no, Kanawai akahi. O ke kanaka hooliolo ikaika i kona lio iloko o na Kulanakauhale, a me kahi paapu i na kanaka, e lih. no kona lio, ke hopuia; a ina eha kekahi ia ia, e uku no ia e like me ka nui o ka eha, e uku nui loa, i malu. Kanawai alua. E kapu na palule pokole; aia ka palule ku pono, o na palule loloa a hiki ilalo ike kuli. He mea hilahila loa ka palule pokole; ma kahi malo wale no, a oki wale malaila. Aole nalo wale ka olohelohe i keia palule pokole. E kapu ia. He mea ino loa ka hele wale. Kanawai akolu. E kapu ka hele ana o na wahine ma na alanui o Honolulu nei me ka mumuku wale no; aole nalowale ka olohelohe, a he mea keia e ino ai ka manao o na kanaka. I mumuku ame ka holoku kekahi, ke hele iwaho na wahine. Kanawai aha. E kapu ka auau ona kane a nie na wahine ma kahi o na kanaka, ma kahi kokoke i ke alanui paha, i kauhale paha; e kapu hoi ka auau pu ana o na keiki kane a me na kaikamahine ma kahi hookahi, a me ka hele pu i ka lele | kawa. He mau mea hoowalewale loa keia, i e ino ai ka manao a me ka noho ana o na kanaka. He kumu keia no ka moe ' kolohe. Kanawai alima. E kapu ka hele wale imua o na kanaka, ma kahi kokoke i na alanui, ame na kauhale. Ina hele iwaho, me kahi kapa e hele ai, aole me ka olohelohe; no ka mea, he mea ia e ino ai ka noho ana o kanaka, a o ka palaualelo ke kumu. Aole mea nele loa i kahi kapa. Oka mea hele wale ma ke alanui, I me ke kapa ole, e uku no ia i $ 1,00.

Oia na kanawai a makou i imi ai la; aole nae i pau; imi hou no. O ka oukou mau kauwa. K. Hookiekie. P. Lapuwale. K. Naaupo.