Ka Elele, Volume 1, Number 1, 1 April 1845 — KA HOOLEWA ANA O HAALILIO. [ARTICLE]

KA HOOLEWA ANA O HAALILIO.

I ka la 26, ua hoolewaia ke kapapau; Ua laweia mai ka Papu ae a i ka luakini pohaku; i ka hele ana ma ke alanui, mamua na mea kani, na haole koa o ka manuwa Beritania, a me na haole a pau o Honolulu nei; hele lakou imua o ka pahu kupapau. Mahope oka pahu ka wahine a me na kaikaina o Haalilio; a mahope ilio ka Moi, a me kona poe alii, ame na'iii haole a pau, a me na kanaka koikoi he nui wale. Ua pau loa lakou i ke kahikoia i ka hanohano o ko lakou rnau aupuni, a ua nani maoli ke nana’ku. Ua paapu ke alanui i na kanaka o kela ano keia ano, e noho malie ana. A hiki i ka halepule, komo iho la, a piha loa a hu nui iwaho na kanaka; Ua waihoia ka pahu kupapau imua o ka avv'ai; alaila, himeni, pule, ame ka hai olelo. Eia ke pooolelo, Mika 6: 9. “Ke kuhea maineika leo o Jeh' va ike kulanakauhale: 0ka mea nauuao e ike i kona inoa, e hoolohe oukou i ka laau hahau, ame ka mea nana ia e kau mai Ma ka olelo Beritania kekahi olelo a me kekahi pule; a pau ia. hoi nui me ka pahu kupapau i ka hale ku[>apau alii; malaila e wailio ai. Malaila kekahi pule, a kani na pu o na koa Bcritania, ekolu kani ana; o ka hoi nui no ia. Aloha ino o Haalilio! Kainoa e hoi mai oia me kona ike a me kona makaukau, e hana maikai ma Hawaii nei, aole ka! Ua laweia’ku. Kaumaha ka naau o ka Moi, i kona make ana; nui kona aloha ia ia, a nui kona uwe i keia manawa. L.