Ka Elele, Volume 1, Number 2, 25 April 1845 — Untitled [ARTICLE]

He Olelo Aloha, a me ke Kanikau a na Haole koikoi o Houolulu nei i hnopii ae imua o ka Moi, Kamehameha III., no ka make ana o Haahlio; i ka la -t> o Maraki iho nei. E ka Makua, O makou nona na inoa i kaulia malalo, he mau kanaka Ameiika e noho ana ma Honolulu nei, ke hai aku nei makou ia oe, ka Moi, i ko makou aloha a me ka uwe, no ka lohe ana me ke kaumaha i ka make ana o Haalilio, oia hoi, kekahi Luna nui ou, e ka Moi, i ke aupuni Amenka Huipuia a me Europa. O kona make ana, he kumuia no ke kanikau nui o keia lahuikanaka; ua nui ka poho, aole paha e paniia ma keia manawa aku. Aole pau i ka heluia ka pono i loaa mai ma kona hooikaika ana mamuli o ka pono o kon aupuni, ke hoopaneeia kona ola. Ina i hoi mai oia me kona naau piha i ka naauao, i hoonuiia hoi ma kona hele ana i na aina e, nui wale ka waiwai o ua mea ana i ike maka ai, a me ke kuka pu me ia. A ke manao nei makou ua lilo kana hana maanei i mea e pau ai, na ku e poino e noho nei iwaena o kekahi poe kanaka hoohiki ou, e ka Moi, a me na haole he lehulehu. Ua manao no nae ke Akua, me kona malama akamai ana, e lawe aku i kau kauwa hoopono, e ka Moi, mai keia wahi hana maikai aku. Nui ko makou alolia ia oe, ka Moi, a me kou poe kanaka, 110 keia kaumaha,| aole nae pono ke hoopoina i na mea he nui wale e oluolu ai oe, ka Moi, a e waiho nei a puni. Mai hoopoina kakou, ua malamaia ke ola o Haaliho a paa pono ka hana ana i hoounaia’i; ua lilo oia i hoike no ka nani a me ka hanohano o kona aina, nolaila ua mahaloia eia, no kona ano iho, a me kona ano Luna nui nou, e kaj Moi. Me ka oiaio, kehauolipu nei makou me oe, ka Moi, no ka paa pono ana o

keia mau mea, mamua o kona kaheaia mai. Ke hauoli pu nei no hoi makou me oe, ka Moi, no ka hoi pono mai o Mi. Hikeke, ko Haalilio kokoolua hoopono loa ma kana hana koikoi, kona hoaaloha pili loa hoi, a me ka mea hookauwa loa mamuli ou ka Moi. No keia mau mea c oluolu ai, ke hooliauoli io aku nei makon ia oe, ka Moi. Ile wahi pono no hoi keia e hooiaio aku ia oe, ka Moi, no ke aloha oiaio, a me na manao maikai a makou e malama nei i keia wa a i na manawa a pau hoi, ia oe a me kou aupuni no hoi. A o na wahi mea pilikia i kupu mai ai mamua a e kupu mai ana mahope paha iwaena o na luna haole hoohiki o kou aupuni, a me na kanaka Amerika e noho ana maanei, e malama mau loa no makou i na manao aloha a me na makemake maikai nou a me kou poe kanaka; a ke manao nei hoi makou me ke kanalua ole, ua hanaia mai makou a e hanaia mai ana hoi makou me ia. Me ka makemake oiaio, e mau ka ikaika o ka Moi, a me ka Moiwahine, me ke Kuhina, a e ola pomaikai o kou aupuni, e ka Moi. Ke noho nei makou, e ka Makua, o kou mau hoaaloha oiaio, a me kau mau kauwa haahaa.