Ka Elele, Volume 1, Number 4, 20 May 1845 — HE WAHI MOOOLELO HOAKAKA NO KAPIOLANI. [ARTICLE]

HE WAHI MOOOLELO HOAKAKA NO KAPIOLANI.

(E nana i ka aoao 14.) Kakaikahi kona haule ana mahope pela. Komo ke kahuna, aole hakahaka ka nohoo ! Kapiolani, mau no ia ma kona wahi. Oia

’kekahi mea naauao i mahaloia ma ka nana a Kapiolani. Kona haipule. Eia kekahi ano o Kapiolani, he wahine pule oia; o na hoahanau palaka, a me ka poe i lealea i ke kamailio i ka nani o ke kino, aole oia kona poe punahele ; aka, ike oia i kekahi wahine paulele loa i ka olelo a Iehova, a olioli i ka pono, oia ka wahine ana i koho ai i hoa kuka, i hoa pule. Nolaila, hoowahawaha kekahi poe ia ia, no kona launa me na makaainana. Aka, aole oia i nana malaila, nana oia i ka makemake o ■ka Haku. Oke kanaka ao ka wahine paha o ka Haku i launa ai, oia kona makamaka. Olelo kela poe, ua kahea pinepine o Kapiolani ia lakou eai pu me ia. Alakai pinepine hoi ia ia lakou iwaho i kekahi puhala mauka ae, e heluhelu i ka olelo ake Akua, a e pule pu. I mai lakou, “ua ike makou i kona ano; i ka helelei nna o kona waimaka malaila, ia ia i heluhelu i ka palapala a ke Akua, a pule pu no hoi me makou.” Pela no hoi i kona ike ana i kekahi manawa i ka palaka o na hoahanan; i ka haunaele paha o na’lii, alaila hookaawale oia i kekahi la e pule i ke Akua. Helel pu oia me kekahi hoahanau haipule ana i makemake ai, i kahi hale kanaka ole, a i kahi puhala paha, i mehameha ai, malaila oia i pule pu ai me lakou i ke Akua. Ua manaoia ua aie nui keia aupuni i ka pule a Kapiolani. Pule pinepine oia no na’lii iko lakou wa haunaele. Pela oia i pule no ke Alii nui i kona wa lilo i ka lealea ino, a ua hoolohe mai no ke Akua, ua pau ia haunaele. Oka hoohaahaa kekahi ano ona. E hikiwawe ka poe palupalu, ke hoohaahaa ia lakou iho. Aole pela ke ano o Kapiolani. He wahine manao ikaika, he oolea kona ano, nolaila, aole hoohaahaa koke kona manao. Ua ike na mea a pau ia ia mamua, he oolea, he paakiki, he kaka’na ka olelo, he maka huhu. Aka mahope mai o kona huli ana i ka pono, ike na mea a pau i kona ano e. I kona hoohaahaa. 1 kona komo ana i kauhale o na makaainana ilihune e ao ia lakou me ke aloha a e pule pu me lakou.

Mamua, o ka lealea, uhauha, heenalu, inu rama, kana hana; aka, ua pau ia, a o ke kamailio i ka pono o Iesu, ka hoakoakoa i na makaainana e ao ia lakou i ka pono a pule pu me lakou, a helelei kona waimaka no lakou, oia hana mahope mai. Olelo mai kekahi o lakou penei. “Ike au i ke ano e o Kapiolani, alaila noonoo au i ka mana o ka pono, mamua hookiekie, oia paakiki, huhu. Aole e pono makou na kanaka makaainana e hookokoke aku ia ia, ia manawa, kapu loa. Aka, huli oia i ka pono, ano e, haahaa, oluolu.” Lokomaikai. Owai ka malihini haole, ao ka malihini maoli paha i hookipa ole ia ma kona hale. Nui ka poe i ike i kona ano aloha. Nui kona kokua ana i na misionari a pau i kona waa kaulua, a me kona mau lio, e hele ia wahi aku ia wahi aku !e hai aku i ka olelo a ka Haku, a e paipai i na kula. i Hele kekahi malihini pono i kona wahi, aole i aua ia kona lio e hele i Kailua, a o kona waa paha e holo i Kau; aole no ke kala. Ua akea kona naau, a huhu oia ke mea kona kanaka i dala no ka waa kaulua a no ka lio paha, ina he malihini. 0 kona lokomaikai, aole ia he mea noonoo ole, aka, noonoo oia i ke ano o ka lokomaikai io, aole ia he mea e kokua i ka palaualelo wale no, a i ka uhauha wale. Aole ia ka ae wale ika noi ana oka mea noi, aka, o ke kokua ia i ka pilikia o ka poe pilikia maoli a hana pololei. Nolaila ike no oia i ke ano o ka hoole maoli 1 kekahi poe noho pono ole, a loaa no ia ia ka huhu, a me ka hoinoia malaila, no kona ae ole. Aole nae ia i hoole, a aua ma kahi ana i ike ai, ua pono ke kokua aku. Nolaila, ike na keiki makua ole; na wahinekanemake, na mai, na malihini i kona aloha. Nui na kapa ana i haawi wale aku i ka poe ilihune. I ka makahiki 1840, hele | poai oia i Hawaii, 4 malama mamua aku o kona make ana. Hele wawae ka nui o (Aole e pau)