Ka Elele, Volume 1, Number 11, 26 August 1845 — Untitled [ARTICLE]

Ua holo aku o Kaulehelehe i Kolume—mehia muliwai, e noho Kumu no na kanaka Hawaii malaila: ma ka palapala malalo iho ua akaka ke ano o ko lakou noho ana. Kolumehia , Oregona, lulai 17, 18-45, E G. P. Judd e; Aloha oe me ka maikai; ke hai aku nei au ia oe i na mea maopopo ia’u. Ua ku mai makou i ka la ewalu o lune ma ke ko-

mohana hema o Vanekove mokupu- 1 ni ma ka akau aku nei o Kolumehia. I A pau ko laila ukana i ka hooleiia, j holo mai makou a hiki i ka nuku o ka muliwai, a ia la’e hookomo makou iioko loa, a i ka la 22, hiki makou iloko loa nei i ke kauhale i kapaia o Vanekova; a i ka la 23 he la noa ia, pau makou i ka lele iuka, a hookipaia mai la maua e kekahi kanaka Hawaii. A malaila maua inoho ai, e kali ana i ka maopopo o ka mea i hele mai ai. Me he mea ole la, no ka mea, ua ike maua i ke poohina, a ua lohe oia i ko maua ano, a[ he wahi pilikia iki no nae ia mau la. | Aka, kakali no makou ia Mr. Kake-} leiki a hiki mai la, alaila kiiia maij maua e hoi iloko o ka pa. A hoi aku la maua a noho iho la i ka hale i hoolakoia, a ke noho nei maua me ka oluolu a me ka maikai; aole mea ino iloko o maua, ua malama pono ia maua e noho nei; aka i ko maua mau la i noho ai i na hale o na kanaka, nui ka hoino ana mai, a me kela olelo keia olelo; kakaikahi wale no ka poe aloha ia maua. No ka mea, i ko’u lohe ana i ka mea nana au i olelo mai, he hoowahawaha lakou ia maua, a ua manao au, no ka hoomalu ana paha i ka laSabati; no ka mea, o ko lakou la kukulu hale ia, la holo lio, la mahiai, a me na mea like. Eia keia manao; olelo pinepine na kanaka ia’u i kela la i keia la e e wehe au i ko lakou pilikia; no ka hoeha pinepine wale ia e na haole mekahewaole. Ua kuhi lakou i holo mai au i luna a i mea hooponopono no na eha o lakou; hoole aku la au, aole au i hele mai e hana ia mau mea, aole a na’lii olelo a me na luna nui o ke aupuni Hawaii ia’u ma ia mea. Eia wale no ka’u mea il

hele mai nei, o ka olelo a ke Akua, a me ke kula. Ina i maopopo ia mau mea, aole e hiki ia’u ia wahi, he okoa wale no ka poe nana ia wahi. ; 0 na’lii a me na luna a pau, na lakou ka olelo ma ia mea. Oia la i lohe oukou, aka, aole i pau ka manao. Oielo mai no ia’u, ma Walamaka keia pilikia, a he aneane kaua maoli lakou. Pela ka olelo mai a kekahi kanaka Hawaii ia’u; no ka mea, ua nui loa na kanaka Hawaii e noho ana malaila, aole nae i moopopo loa keia lohe ana, mahope paha lohe } pono hou makou a palapala hou aku 1 au ma ia mea. } Eia keia manao, ke hana nei au i ka’u hana i kela Sabati keia Sabati, a ua malu iki ka Sabati; aole i like me mamua ka haunaele loa, ua hele mau mai na kane, a me na wahine i na pule elua o kela Sabati keia Sabati. Aka, o ke kula a me na halawai, ua imi makou i wa halawai, a i wa kula, aole loaa: no ka mea, he nui ka pilikia i ka hana i ka la apo. Nolaila hana ole makou ia mau mea, a manao makou i ka po e kula ai, aole e hiki no ka pokole o ka po keia wa. Eia keia, elua kanaka Hawaii i make iho nei, o Kalimaanehe a me Naiwi, he mai maoli no kc lāua mea i make ai; aole i make i k; mea e ae. He nui ko’u aloha ia oukou a pau, aka, no ka olelo a kc Akua, ua oluolu au e noho nei ma i: mau elelo o ka palapala hemolele ke aloha aku nei ka’u wahine ia oukou a pau. Aloha oe. W. R. Kaulehelēhe.