Ka Elele, Volume 1, Number 11, 26 August 1845 — HE KANIKAU ALOHA NO S. Dl-BELA, [ARTICLE]

HE KANIKAU ALOHA NO S. DlBELA,

Aala , Honolula , Oahu, lune 3, 1845. Alolia nui oe, e S. Dibela, KeUahi makua o na keiki, o ke Kulanui o Hawaii nei. He kauwa hoi oe, na ka mea kiekike loa, He elele hoi, na ke Keikihipa. Ua hele aku la oe, E ku imua o Iehova, 0 ka Makua mana loa, Ke’lii ikaika nona na wahi a pau. Ke ike la oe i ko laila poe hemolele a pau; Me na umi miliona hiki ole ke helu aku ; 1 wehewehe ia e ka huke nui, Oia no hoi ka Baibala hemolele. E S- Dibela e; Kekalii kumu aloha a makou; Ua hele lahalaha aku la oe, Ma na imo o ka lani iluna; Kuu kou kino i ka honua nei, Hoi ka uhane i ka poli ala o ka makua Noho pu me Mose ma; Ma kahi nani mau loa, A kakou i lohe ai; Maloko o ka Euanelio, Ke hoolea pu la oe, Me na anela hemnlele; Ma ka inoa o ka Makua mana Joa. O ka lira me ke kukima; O ka ohe me ka Wiolaumi; Kekahi mau mea kani hoi; A oukou e mele pu la; Me na puali o ka lani. E S. Dibbela e; Pau kou ao ana mai ia makou, Ma na mea e naauao ai; Pau no hoi kou wehewehe’ana inai, i ka Palapala Hemolele; Imua o na haumana, a me na kanaka e ae; Pau no hoi kou ike ana i na pilikia o keia ao. Ke ike la oe ia Paredaiso mau; Kahi nani i hoike ia mai ai; Maloko o ka Palapala Hemolele; Ke auau la oe ma punawai, Siloama. Ke ai la oe i ka ai Piakamauna;

Ke inu la oe i.ka wai Beseleka; Komn aku la oe iloko o Ierusnlema hou, ke kulanakauhale laa loa i ka lani; Pau kou luhi; Pau ka eha; Pau ia Iesu; Maha e, maha loa; Ola ia Iesu Kristo; Na J. H. Kaehu.