Ka Elele, Volume 1, Number 11, 26 August 1845 — Untitled [ARTICLE]

Honolulu , Oahu, Aperilr 3, 1845. No na makua aloha ole i ka lakou mau keiki a me ke Aupuni, ma ko Hawaii nei pae aina. Lito ke aloha i na holoholona. Eia lte aloha ole o na makua i ka lakou mau keiki ake Aupuni. 0 ka hoolako ole i na mea e naauao ai na keiki. Oia ke Kumumua, Kumulua, Buke Kauohahou, papapohaku, penipohaku, pepakanana, hulupaiapala, penikala, pahikolihulu, ipuinika, pahupalapala, papapalapala, nohopalapala, helukamalii, helunaau, helukakau, palapalaaina. Nolaila ua pili loa aku keia aloha ole o na makua i ke Aupuni; no ka mea, o ke Aupuni ka mea uku i na kumu kula no ke ao ana o na kumu i na keiki a oukou e na makua, Ua manao anei oukou e na makua, ua make pono ka waiwai i lilo o ke Aupuni i ka hele mau o na keiki i ke kula, i kela la i keia la, me ka lako ole o na keiki a oukou i ke-!

ia mau mea i hoakakaia ae nei maluna? I ko’u ike ua aihue oukou i ka waiwai o ke Aupuni o ko Hawaii nei Pae aina, e na makua. Eia ka lilo o ke aloha o na makua i na holoholona (Bipi, Lio, Hoki, kao, puaa,) o ka haawi koke no ia i ka uku me ka hoopanee ole no ka ai ana ina mea kanu. Aka, i ka ke kumu kula olelo aku,” e ka makua, e kuai i Palapala na ke keiki;” kulou na makua ilalo, kani iho ke huhu, ekemu pono ole mai ka waha, anana pono ole mai na makua. 0ka hoolalau aku ia o na maka io a io. Oia ka’u wahi ai uuku e hanai aku ai ia oe no kou hiki malihini ana mai i keia makahiki hou a nau ia e hoolele aku mao a maanei. Na S. P.