Ka Elele, Volume 1, Number 11, 26 August 1845 — Untitled [ARTICLE]

NO KA LOAA ANA O KA WAIWAI. Nui wale ka poe makemake i ka wai.'ai. Pehea hoi ka loaa ana? Oka naauo ka mea e hiki ai. I ole he naauao, mae hewa ka hooikaika ana ma ka hana a le ka imi.

Kunu , Hawaii , Jlugate 7, 1845, Aloha oe e ka Elele; Ua pono kau mea i paiia ma ka aoao 48 penei; “Ma Hawaii ma Kona he pilikia loa no ka wi.’’ He oiaio ia olelo, he pilikia loa makou. Pii makou i ka hoi, i ka laulele, i ke ki, i ka pala, i ka hapuu, i ka mau, i ka pilali, a hoi mai me ka luhi loa no ka nui o ka imi ana; a ai makou i ka makou ai mananalo, koekoe, awaawa, me ka maona ole; a oka hiamoe ko makou mea e oīuolu ai. Noho pinepine hoi makou mai ke ao a po me ka ai ole; he wahi pauku ko paha e naunau ai, a oia wale iho la no. Ua noonoo kekahi o makou a akaaka; a eia ke kumu o ko makou wi. I kela makahiki i hala aku nei, hooikaika makou i ke amo wahie. Ua pau loa ko Kona, mai Kapua a i Keauhou i ka halihali wahie. Malaila ka manao, malaila ka olelo, a malaila ka hana. Nui na moku okohola i ku ma Kaawaioa; a holo mai hoi o Keoua, o Kalamakini a me Kipikipi, i kela kulanakauhale i keia kulanakauhale, i na malama a pau, a lawe aku i ko makou wahie- ūa nui ka lole i lilo ia makou, a i ka manao o kanaka pomaikai loa makou. Aka, eia ka pilikia; iko makou hooikaika ana no ka lole, ua waihowaleia komakoukihapai. Iko makou olioli no ka waiwai, poina ka ai no keia makahiki, a akuhi a ike makou i ko makou hewa. Ke hoopai nei ke Akuaiamakou, no ka puniwaiwai. Ua pono kela olelo a Paulo ma Timoteomua 6: 8. “Ina ia kakou ka ai a me ke kapa malaila kakou e oluolu ai.” Na Kanakahewa.