Ka Elele, Volume 1, Number 11, 26 August 1845 — MOKU A HANA. [ARTICLE]

MOKU A HANA.

Auhea oe e ka Elele. He wahi manao ko’u e hoakaka’ku ai ia oe, a nau no e hoolaha aku ma kela wahi, ma keia wahi. Ma ko’u lohe, a ma ko’u nana’ku no hoi, he wahi mea kupanaha e noho ana iloko o ke aupuni. He mokuahana paha, ke ano o ua mea kupanaha nei. Eia; like ole ka manao o na lunaauhau a me na Kahukula; like ole ka manao o na lunapoalua, na konohiki, na lunakula, a me na kumu palapala. Kue ka lakou hana ana; kue ka kekahi, i ka kekahi. Kupanaha! Ka iuoa, he poe kaikuaana, kaikaina lakou, iloko o ke aupuni hookahi. Hookahi no aiii maluna o lakou, a he poe luna hana lakou malalo ae ona, e hooko ana i kona mau kanawai. Penei hoi ke kue ana; hoakaka ke Kahukula i ka uku o na kumu; kii aku na kumu i ka uku me ka palapala no, a haawi aku lakou i ka palapala i ka lunaauhau; nana mai oia, a ae no, a ninau, “heahakou makemake?” I akukekumu,“helole.” A ma ka haawi ana mai i ka lole, loaa ka pono ole, aneane hakaka laua; hoole kalunaauhau i ka lole a ke kumu i makemake ai, a haawi mai i lole inoino, a huna i ka lole maikai. Ina lawe ole ke kumu i ua lole inoino la, o kona nele no ia. Ai ke kuai ana hoi, okoa ka uku i na kumu, a okoa ka uku i na kanaka e ae. A i kakahi manawa, makemake na kumu i ka ai i mea e kaa ai ko lakou uku, a kii aku no i na luna, a ae mai no, he ai no; aka, ma ke kuai ana, hooi loa lakou i ka uku, aole hoohalike me ke kuai ana’ku ia hai. Ua ike au i kekahi kihapai ai. Ina kuai pono ia, ewalu paha kala ka uku; aka, i ke kuai ana me ke

kumu, alunu ae la ka luna i umikumamalima kala ka pono. Hoole no ke kumu, a o kona nele no ia. A o kekahi poe kumu, hooikaika no lakou ma ka hana, luhi io no ma ke ao ana: aka, aole i loaa pono mai ko lakou uku. Loaa paha kekahi hapa, aka, o ka nui, ua hooleia mai,' aohe waiwai aupuni e kaa ai. Hoomanawanui nae kekahi poe kumu malalo ae o ka aie o ke aupuni. Oia la ka hana apiki a me ka mokuahana ana iloko o ke aupuni. Nui no i koe, aka e hanaia paha kekoena, a i kekahi manawa aku paha, e hoppukaia’ku ai. Ua noonoo au penei; kupanaha! ka inoa, o ke kuikahi ana o ke aupuni-o kekahi hapa me kekahi hapa, oia ka mea e kupaa ai, a o ka mokuahana anaiwaena o ke aupuni, oia kona mea e hiolo ai. Pau hoi keia. Na’u na Kekuikaiii.