Ka Elele, Volume 1, Number 12, 9 September 1845 — KA HOOLE ANA I NA LUNA HAOLE. [ARTICLE]

KA HOOLE ANA I NA LUNA HAOLE.

Ua lohe au, ua manao na luna o ke aupuni na na misionari i hookonokono aku i na kanaka ma Lahaina a me Wailuku, e hoopii i ka Moi, e hoopau ika luna ana ona haole no ke aupuni. Ke manao nei au, aole na misionari i hana pela. Ua ike maka au i kekahi hana ma Wailuku. I ka la 16 o lulai iho nei, he halawai maloko o ka hale pule malaila. Eia ke kumu o ia halawai, e hoolohe i kekahi palapala a na’lii i palapala mai ai ia lakou. NaNapela i heluhelu ia palapala imua ona kanaka. I ka lohe ana o na kanaka ia palapala, aoie i ae ia mai kekahi mea a lakou i noi aku ai i kaMoi, e hoopau i ka noho luna ana o na haole no ke aupuni. Olelo iho la na kanaka. “He pono ia kakou ke palapala hou aku i na’lii, e hai aku i ka paa loa o ko kakou manao, he pono ke hoopau i na luna haole; e nonoi hou aku i ka Moi e like me kakou i noi mua aku nei.” A nui na olelo a lakou i kukakuka ai, no ia mea, hele aku la kekahi hoahanau e hai aku i ke kahunapule o ia wahi (Mi. Kalaka) i ke ano o ia halawai. Olelo mai la o Mi. Kalaka ia ia, e hoi aku oe a e olelo aku i na hoahanau, aole pono ia lakou ke hana pela. I ka hoi ana mai o ia hoahanau, a hai mai i ka manao o Mi. Kalaka. Aole i hoole aku na kanaka, olelo aku la kekahi mau kanaka ia hoahanau, e noho malie aku no oe. Aole o makou manao e hoolohe aku i kana; no ka mea, aole i pili aku keia hana ia aoao. A mahope iho, hiki mai ia o Mi. Kalaka, a olelo mai la ia. “Aole po-

no keia hana ana iwaena o oukou e na hoahanau, he pono ke hoopau. Ua paiapala aku oukou i ko oukou manao, a ua hoole mai na’lii; aole pono ia oukou ke hooili hou aku i ko oukou manao; no ka mea, o lakou no ka poe i ike i hoopinopono o ke aupuni; nolaila, i ka hooleia ana mai o ko oukou manao, aoie pono ke hoolo hou aku i ko lakou.” A nui no na olelo ana i olelo ai, e papa ana i na kanaka, aole pono ke hana pela. Aole no i hooiohe pono mai na kanaka ia ia. Nolaila, ke paa nei kuu manao, aole na ko Wailuku kahunapule i hookonokono aku i na kanaka malaila, e noi aku i ka Moi e hoopau i ka noho luna ana ona haole. Ua olelo mai no kekahi poe ia’u, aole no ia i hana peia. Aka, no na kanaka no ia manaoj e like no paha me ko lakou noonoo ana, he pono ke hoopau i na luna haole; nolaila no ko lakou noi ana i ka Moi. I. Richakdson. Lahainaluna , Augnie24, 1845.