Ka Elele, Volume 1, Number 13, 23 September 1845 — OLELO I HOOHOLOIA. [ARTICLE]

OLELO I HOOHOLOIA.

Eia ka olelo i hooholoia e na Lii, a me ka poe i Kohoia e na Makaainana o ko Hawaii nei Pae Aina, i ko lakou akoakoa ana i ka ahaolelo. Ina ua hoohiki kekahi haole malalo o keia Aupuni, a mahope pilikia oia i ka loaa ole mai o ka palapala mare, na ke Kiaaina mai e like me ke Kanawai, mokuna 10 pauku 9, alaiiu pono ua haole la ke hoopii i ke Kuhina Nui, a nana e noonoo i ka pono o kona mare. A, ina i manao ke Kuhina Nui e [lono ke wehe i kona pilikia, alaila hiki ia ia, a nana no e haawi i palapala mare, aole nae i kaa loa na makahiki elua o kona noho ana ma keia Aupuni, a me ka manao ole i ka hoole ana o ke Kiaaina i ka haawi palapala mare no ke kaaole o na makahiki. A e lilo hoi ka palapala mare a ke Kuhina Nui, i mea kupono i ke kanawai; e like me ka palapala mare a ke Kiaaina e haa-

wi ai i na haole noho i elua makahiii mauka nei a me ka hoohiki no hoi. Aia a paiia keia olelo ma ka PoIynesim Nupepa, alaila lilo ia i kanawai. Hanaia, a hooholoia ma ka hale ahaoelo i Honolulu i keia la 30 o Augate, 845. Na ka Moi Kamf.hamf.ha. ( Keoni Ana, Kuhina nui.