Ka Elele, Volume 1, Number 23, 10 February 1846 — Untitled [ARTICLE]

Kealakekua, Dek, 1845. Aloha oe e ka Elele. Ua paiia ma ka pepa eha ma ka aoao 26 penei; “E noho ana ma Kealakekua jkolu mau haumana i noho ma Lanainaluna, eha mau makahiki, a elua i puka e mai, aole eha makahiki. A liuipuia elima, o lakou.” Ua pai hewa ia kela olelo. Mamua loa elima no; aka, hele o Keauwepaa i Oahu a lilo i ka hana kuai ma ka hale haole kuai, a hele hoi o Aumai i Hilo, a noho hoopiiimea ai mahope o kahi luna poalua. I kela mau makahiki mamua, ko laua hele ana. Nolaila, eha ka pololei ke paiia, aole 5, a o ka 4 no Kailua mai ia e noho ana ma ka hana o ke Aupuni. A ina e pai hou ia, 3 ka pono; no ka mea, ua hele o Wiwi i Ouhu e imi waiwai paha, a i aha la. Eia hoi; ua paiia, 3 mau haumana no Lahainaluna i noho ma Kealia. Mamua loa 3 no; aka, moe kolohe o Maewa, a lilo i ka hana paahao, a lilo o Elemakule i luina ma Vitoria ma kekahi moku Hawaii, a hele o Walawahie i Hana e noho hoopili wale mahope o ka Lunakanawai; nolalla, aole kanaka no Lahainaluna i noho ma Kealia, i ka wa i kakauia kela mea i paiia. Ewalu kanaka no Kealakekua a me

Kealia i paiia, 4 nae ka pololei; a i neia manawa 3, a e noho kumu ana 2 wale no. 'Na Aiva.