Ka Elele, Volume 2, Number 1, 8 April 1846 — Untitled [ARTICLE]

Manuwa Farani. —I ka la 21 o Malaki iho nei, ku mai ka manuwa Farani, o Virginio kona inoa, ma Honolulu nei. He moku nunui keia a me ka maikai. He Amarala kona alii, o Hamlin kona inoa. He luna nui no ke aupuni Farani kekahi maluna o keia moku, o Perrin kona inoa. Launa oluolu keia mau aiii Farani me ko Hawaii nei poe alii, a ua hooholoia na Kuikahi i paiia ma keia pepa i kela mau la aku nei. Oia kahana a Penin i holo niai ai, a ua hana pu me ke Kanikele nui no Beritania, o Mila. Pehea keia Kuikahi, pono anei? Hakalia ka puka ana o keia Elele mua no kuu hele ana i Maui. Oka la mua o Aperila nei, oia ka la pono e puka ae. He nui na mea e hoike aku ai, aole nae komo iloko o keia pepa; ma ka pepa elua e komo ai. E nana pono i ke ano o ka uku ana.