Ka Elele, Volume 2, Number 9, 8 August 1846 — Makaikai ana. [ARTICLE]

Makaikai ana.

Nui ka manawa a me ka waiwai i oomaunaunaia e ko Hawaii poe ka■aka, no ko lakou hele makaikai ale ana, ma kela aina keia aina. aho iki i ke kanaka waiw'ai, a me a mea popilikia i ka mai, ke hele a ia wahi aku ia wahi aku, e ike, e makaikai aku. Aka, [iehea la hiki i ka poe kuewa, a me na loi, a me ka poe ilihune ke hoio ma I ila aina keia aina e makaikai? Oia * kunm o kekahi popilikia nui ma

keia pae aina. Ua hele ka wahine puhā ma ka aina e, a kaawale laua me ke kane he mau mahina, he makahiki okoa, a elua, ekolu paha makahiki. Ninnu ike kane, £a, auhea kau wahine? I mai la ia, ua hala no i Hawaii, i Maui paha, i Oahu paha, i Kauai paha. Heaha kana hana ilaila? Ua hele e ike i na makamuka, a e makaikai i ka aiua, a me na kulanakauhale. Pehea? Aoie popilikiā anei oe no kona haalele ana ia oe? Pilikia no, pilikia i ka hale, pilikia i na keiki, pilikia i na holoholona. Aole mea e holoi i ko’u wahi lole. Pehea hoi ka w'ahine? Aole ona pilikia ma kela aina? Pilikia no. Ua hihia paha i ka moe kalohe; he mai paha; a ina manao oia e hoi mai, ua hemahema i ke dala ole e uku i ka moku. Pehea hoi kona mau hoahanau a me na makumaka ilaila 1 Oluolu anei lakou e hanai, a e hoaahu ia ia i keia manawa loihi loa? Aole; ua kaumaha no, a ua ohumu lakou no kona hoopili mea ai, me ka hoomaunauna wale i kona manawa.

Oiaio no; me ia no kekahi popilikia nui ma Hawaii nei; o ka hele ana o kekahi poe, e maikai, a e noho wale ma ia wahl aku, ia wahi aku. Ua iiihune ka poe e makaikai ana, a e hoomaunauna ana i ko lakou manawa pela; a ua hooilihune ia ka poe e hookipa ana ia lakou. Ahea la e pau keia auwana naaupo ana ma keia pae ainu?