Ka Elele, Volume 2, Number 15, 6 November 1846 — NO KE KUAI AINA. [ARTICLE]

NO KE KUAI AINA.

Auhea ka pono o ke kuai aina? Eia. 1. Oia ka mea e maikai ai ka aina. Ina no hai ka aina, aoie ikaika ka mea ai aiua i ka mahi, a me ka hana i ka pa, a me ka hule, a me ke kanu laau, a me na hana a pau e nani ai ka aina. No ka mea, aole nona ponoi kela aina; nolaila kanalua kona munao i ka hana, o poho kona luhi, a lilo na mea maikai ana i hana’i no hai. 2. 0 ke kuai i ka aina, oia kekahi mea e pau ai ka molowa a me ka palaualelo. Ikaika ke kanaka ika hana, ke maopopo kona loaa. Ina i iilo loa kau-wahi aina i ke kanaka nona ponoi, alaila, lana kona manao e hana i ka pa, e kanu i laau malumalu, e kanu nui i ka ai, e kipulu a e hana i hale paa nona. Oia kekahi mea e hoihoi ai ka naau i ka hana ma na aina naauao. Pela ma Hawaii nei. 3. Eia kekahi pono o ke kuai aiaa, he mea ia e waiwai ai na kanaka. Ina i loaa ka aina a hooikaika ke kanaka i ka hana, o kona waiwai no ia. 0 ke aupuni kekahi mea waiwai malaila; ina i pau ka hune o kanaka, pau pu me ka hune o ke aupuni. o. Nolaila, e pono e kuai na haku aina me na makaainana, e like me Makawao a me Manoa. Da naaupo maoli na haku aua i ko lakou aina, a hoole i ke kuai ana.

Heaha ka pono o kela aina nui e i 'Waiho wale ana, ma Kohala, Hamakua, Hilo, Kau a nie na wahi e ae he nui wale. (Aole pau.) j I