Ka Elele, Volume 2, Number 16, 25 November 1846 — HE MAKUHINE PULE MALU. [ARTICLE]

HE MAKUHINE PULE MALU.

Olelo kekahi kaikamahine, o Mekona inoa, i kona makuwahine nei. “E kuu makuahine, no ke a kou hele loihi ana i kahi malu i kahiaka a me ke ahiahi? Olelo ka makuahine, ‘i ke aha la?’ Kaikamahine. “Ua hele paha oe

e launa me kekahi makamaka aloha loa. Mnkuwahine. “No ke aha kou manao ana pela? Kaikamahine. “No ka mea, a hele oe i kahi mehameha a hoi mai, oluolu loa kou maka.” Makuwahine. “Heaha kolaila? ina hele au e ike i ko’u hoaaaloha a kamaiiio pu maua me ia, heahn ia ia oe?” Kaikomahine. “No kn mea, makemake au e hele pu kaua, i oluolu pu kaua. Makuwahine. “E, auheii oe, e kuu kaikamahine, a hele au i kahr malu i kakahiaka a me ke ahiahi, i kuu Haku no wau i I ele ai. Hele au e pule ia ia: e noi aku ia ia e haawi mai i naau oiuolu. a e kōkua mai i ka’u mau hana i pono, e pale ae ika hewa mai o’u nku. Eia kekahi, noi aku au ia ia nou, i lilo oe i kaikamahine pono.” Kaikamahine. “Oia iho la, akahi no a maopopo.”