Ka Elele, Volume 2, Number 23, 6 March 1847 — HE HALE KUAI HOU MA HONOLULU NEI. [ARTICLE]

HE HALE KUAI HOU MA HONOLULU NEI.

No J. J. Keayika laua me A. P. Eveertt keia hale kuai; aia no ma ka hale kuai o Pele ma mamua, mauka o ka hale kuai o Lemi ma. Aia ilaila kahi ekuai o keia hale kuai hou. He oluolu ke kuai ana, aole kaumaha. Aia ilaiia na ’.ole o kela ano keia ano, kaliko, leponalo, kilika, lilina; ku pono i ka lole wawae, iakeke, palule, kihei, paku, kaukini. Aia nō hoi na kamaa, bilki, kamaakane, kamaa wahine, kamaa ili, kamaa iole. Eia hoi ilaila, na mea e lako ai na papa aina, kiaha kala, puna, fora, kahi, a me na mea like. Aia hoi ilaila ka lole paa, palule Huluhulu, palule kikokiko, keokeo; lole wawae paa, i akeke kuka, a pela aku. Aia hoi ilaila na ipu supa, ipu kofe, ipu pulehu, berena, pa keleawe, kiaha, aila pena, waniki, bushi pena, pena eleele, omaomao, ulaula. Aia hoi ma keia hale kuai na mea ai, berena paakiki, kai no ka bipi pulehu, raise, fiku, na mea moku, kui keleawe, palaka, kakia uaua apohao, pauma, ta, kepau, kauta nui, kaula liilii, ipukukui, ipu liao, howela, mea kanana, koi nui, koi uuku, oo, upa, kila, kala kui, hao kuni, ruia, palii umiumi. Aia ilaila na buke kanana, kanana maoli, a me na mea aniani, ipu kukui, omole, a me na mea like he nui loa. Uuku ke kumukuai o neia mau mea a pau; o ka mea makemake, e hele no e nana, a hoao.