Ka Elele, Volume 2, Number 24, 22 March 1847 — HE WAHI KAAO NO NA KAMALI KULA SABATI. [ARTICLE]

HE WAHI KAAO NO NA KAMALI KULA SABATI.

Komo aku la kekahi kahuna pule iloko o ke kula Sabati no na kamalii, aia no ma kau wahi o Ameiika. Nana aku la ia i na kamalii e noho lalani ana, a i aku la ia. “E na pokii e; he wahi olelo ka’u ia oukou. He kula Sabati ka’u mamua aku nei. A raa na la Sabati, ku ae la wau a ninau aku la i na haumana, i ka ke Akua olelo. A ike aku la au i kekahi kaikamahine uuku nawaliwali e noho kokokemai ana, nana no i hai pololei mai i na mea i ninauia’ku ai. Hoao pinepine aku la au i kona ike ana i ka olelo a ke Akua, a he mea eka kona makaukau. He kapa eleele kona, a he maikai hoi, aole pelapela, aole nahaehae. A he noho malie loa kona ma ke kula. Ninau aku au i kana kumu penei; “Heaha la ke ano o ua kaikamahine nei?” I mai la ke kumu, “He huahaule no ia, aole ona makuakane, aole hoi makuwahine. Ua ilihune loa. A he kaikamahihe akamai, a noho maiie, a lokomaikai, aole hakaka, aole ina ina aku i kona mau hoa.”

A i kekahi la Sabati, he ahaaina aka Haku. A hele mai la kekahi kumu, i mai la, “E, ke makemake nei kekahi haumana a’u e kamailio malu aku me oe.” I aku la au? “Ailaihea.” I hou mai la ia, “Aia no io i kona wahi la.” I aku la au, “E kii aku oe ia ia, e heie mai i o’u nei.” A kii no ia a hele mai la ka haumana, komo ae la iloko o kuu keena mehameha. Nana aku la au, aia ka! o kela wahi kaikamahine ilihune iho la no ia. Hoonoho iho la au ia ia, a ninau aku la, “Heaha kau e makemake nei?” Uwe nui iho la ia, aole hiki ke ekemu mai, no ka nui loa o ka waimaka. Aliuliu iki ae la, i mai la oia, “Ke ake nei au e hele i ka ahaaina aka Haku. Ua ike no au iko Iesu make ana no’u, a me kana kauoha ana mai ia’u e hele aku io na la, a e ai hoi ma kana paa aina; a makemake no au e malama ia ia. Kaumaha loa kuu naau i keia mau malama iiio nei i ka mnnao ana, i kana i ana mai, E hana i keia me ka hoomanao ia’u. Aole nae au i hana pela.” Ninaninau aku la au ia ia, i akaka ia’u kona ike ana i ke ano o ka ahaaina a ka Haku,. me kona ike ole. Kamakamailio pu ae la maua a hala i hookahi paha hora. Kahaha iho la kuu naau a me ka olioli i kona ike maopopo ana o ua mea la. Manao ae la au iloko o’u, Ka! he kanaka makua no la ia! Aohe io o ka nui oka ike. He oiaio ka! kela wahi olelo ma kahi Haleiu, “Noloko mai o ka waha o na keiki liilii e loaa’i ka mahalo aku ia oe.”