Ka Elele, Volume 3, Number 4, 15 May 1847 — Kanaka Hawii ma Kalifonia. [ARTICLE]

Kanaka Hawii ma Kalifonia.

mhea oe, e Limaikaika; ke aloha | nei makou ia oe ma ka inoa |

|Lord, o ka Haku; ke aloha aku nei makou, na keiki auwana. No ka mea, aohe makamaka, aohe makua ma keia aina pouli e noho ia nei. Hookahi makua o ke Akua, nana makou e kiai nei ma keia aina naaupo; no ka mea, aohe kumu ma keia aina e hiki ai ke ao mai ia makou ma na kanawai o Iehova. Eia kekahi manao o’u ia oe, e ke kauwa a ke Akua, e pono ia oe e hoouka mai i palapala na makou, i Holy Book, Himeni pakoli, i Elele Hawaii. Pono no ia makou ke pule i ke Akua ma keia aina, ke hiki i ka la kapu i hoonani ia ka inoa o Iehova ma keia aina pouli; no ka mea, aole e pono ia makou ke hele i ka hale pule a ka Mahomeka ma keia aina. No ka mea, he oihana okoa ka keia, he hoomana kii, kani na pahu kani, na pila, na mea hooiea a pau. Eia kekahi ino loa, o ke kukuli ana ilalo i ka lepo; nolaila, hoowahawaha makou. Oia ko’u wahi manao ia oe e ke kauwa a ke Akua i laula ka pono i lanakila ka olelo a Iehova ma keia aina; i nui hoi a kupanaha ke Kanawai a Iehova. Ua pau ko’u wahi manao. Aloha oe, e Limaikaika. Na’u na G. W. Kahooiianohano. Alalaueno, Kalifonia, Aperila 15, 1847. Ke ae aku nei au i keia manao o Kahoohanohano, e hooili aku i mau buke no kanaka Hawaii ma Kalifonia; he mea pono loa ia.