Ka Elele, Volume 3, Number 7, 1 July 1847 — No ke pai aina. [ARTICLE]

No ke pai aina.

Eia ka'u e hai aku nei; Ua maopopo ole ua pai aina maoli kekahi alii kau kanawai i oleloia ma ka Elele e 4 aku nei, no ka mea, ua hiki mai hoi ka palapala hoopii i na'lii ahaolelo e like me ka olelo a ka Elele, mahope mai o kana hai ana ua pai aina. Ua nanaia a ua heluheluia imua o na'lii i ka wa ahaolelo ia mea; ua ninauia hoi kahi i kupono ai keia palapala i na’lii ahaolelo, a ua hoole lakou, aohe ku pono ia mea ia lakou, no ka mea, aole i hoopiiia e like me ka olelo o ke Kumukanawai ma ka aoao 11 a me 12. Ua oleloia mai no hoi, aole i hemo na aina i oleloia ma ka Elele, no ka mea, aia no i na kanaka ka aina e noho la i keia wa, nolaila aole a lakou olelo no ia palala hoopii. Aka e nana nae ma ka ka Moi hana ana me na konohiki no na aina i keia wa, aia paha malaila e maopopo ai. IOANE II.