Ka Elele, Volume 3, Number 8, 15 July 1847 — HE MELE NO KA HOI HOU MAI O EA O KA AINA. [ARTICLE]

HE MELE NO KA HOI HOU MAI O EA O KA AINA.

E mele me ka hoomaikai, Hauoli pu kakou a pau, Ka ea o Hawaii nei, Ua lilo a ua hoi mai. Mai pio ko Hawaii nei, Mai noho kauwa hoi na lii, I keia wa, ua hoi hou mai, Ka ea o ka aina nei. Aloha ko kakou Moi, Aloha hoi na lii a pau, E ola me ka pomaikai, Ke aupuni me ka nani mau. Aloha ke lii moku hoi, E kau ka lei makona poo, Ka haole holo kiki mai, E hoopakele ia kakou. E ke Akua nani e, He kamahao kau hana nei, la oe no ka hoomaikai, No keia hae i kau mai nei.