Ka Elele, Volume 3, Number 12, 15 September 1847 — Untitled [ARTICLE]

I lohe oukou e na mea Kuleana Aina a pau loa ma ko Hawaii nei Pae Aina. Ke hoakaka aku nei keia palapala i na mea Kuleana Aina a pau ma keia Pae Aina, aole e hooholoia ka poe hoona kuleanā i kekahi kuleana aina i laweia mai imua o lakou, a e laweia mai paha mahope a hiki i ka la 14 o Feberuari e hiki mai ana, no ka mea, oia ka la hope loa o ka manawa i haawiia aku e ke Kanawai no na mea kuleana e hoike mai i ka lakou. Eia ke ano o keia olelo i hooholoia e ka poe hoona kuleana, i na lakou e hooholo e i ke kuleana o kekahi, aole i hala ka wa i haawiia’i no na mea a pau e hoike mai i ka lakou, malia paha, aole i ike pono kekahi mea kuleana, a mahope, hoike mai i kana mahope o ka hooholo ana, aole nae i hiki mai ua la 14 la o Feberuari, a nolaila, e lilo auanei ka hooholo e ana i mea hana ino aku i kekahi poe me ka hewa ole o lakou. E halawai ka poe Hoona kuleana ma ka '•Hale Kauwila,” ma Honolulu, mokupuni

Oahu i ka la Monede a me Wenede, a ine Feraide o keia hebedoma a me kela liebedoma, e hoolohe i ka olelo a na hoike o na mea e hai mai ai i ke kuleana no lakou, a me ko na mea pale aku, a ke olelo haahaa nei na Lnna hoona kuleana aina i na mea kuleana aina a pau loa ma na Mokupuni a pau loa o keia Aupuni, e hoike inai i ka lakou kuleana ma ka la hiki koke ia iakou ke hoike mai mamua nae o ka la 14 o Feberuari e hiki mai ana, i nele ole lakou i ka aina a i hiki hoi i ka poe Hoona kuleana ke hooholo koke a e haawi i ka olelo kuleana ia lakou mahope o ka pau ana o ka mamawa i haawiia aku e ke kanawai e hoike mai i ko lakou kuleana. WILIAM L. LEE, .1. H. SMITH, 'l. KAAUWAI, IOANE II, N. NAMAUU, Honolnlu , Augaie 26, 1847.