Ka Elele, Volume 3, Number 15, 11 November 1847 — Untitled [ARTICLE]

i Na ka Elele Hawaii. Aloha oe. Ua hiki mai imua o’u ka wawa e mumuhu nei; ua hana ino ia kuu panihakahaka e na kanaka ponoi o’u, a e ko’u mau makaainana e noho la ma ka Mokupuni o, Hawaii. L

Na ka Moi no i lioonoho ia G. L. Kapoau i panihakahaka ma ko’u wahi, a lioolilo hoi ia ia i alii, aole ma ke ano alii o keia kanaka ia i hoonoho ia aku ai,aka; no kuu koi ana’ku i ka mea Hanohano G. P. Judd i ua kanaka la e hoi i Hawaii me a’u, hoole mai o G. P. Judd i ko’u nonoi ana’ku ia ia, no ka minamina d ke kakauolelo. Nonoi aku la no hoi au ia G. L. Kapeau e hoi i Hawaii, “E hiki no ia u ke ae aku ia oe e hoi i Hawaii, ke ae mai na’lii i ko’u hoi ana a noho me oe, no ka mea, aole pono ia’u ke haalele wale i na’lii a me na hana a lakou a pau me ka pau ole o ko lakou manao ia’u; nau no e noi aku a loaa mai, e hiki no ia'u ke hele me ka hiki wawe loa.” Nolaila, ke olelo maopopo aku nei au ia oukou, me ka papa aku, mai olelo ino, mai hana kue aku ia ia, mai hoike i na olelo inoino a pau imua ona, a ma kahi e no hoi; no ka mea, ke kaumaha nei ko’u naau, o manao mai auanei na’lii, owau pu kekahi iloko o ka oukou hoino ana ia ia, mai manao oukou ma ke ano o kona hanau ana, aka; e manao nui kakou i ko La Moi ano alii, a me ke ano o kona ma/na lokomaikai. Nana no e hapai ae i ka poe haahaa, a :nana no hoi e lioohaahaa i ka poe kiekie, oia paha ke ano nui o kona noho Moi ana. Ina oukou e kue ana ia G. L. Kajpeau, aole no au e kokua ia oukou. Me ke aloha, Wm. P. Leleiohoku. Honolulu , Oahu , Okaloha 20, 1847.