Ka Elele, Volume 3, Number 15, 11 November 1847 — HE MANAO HOOHALAHALA. [ARTICLE]

HE MANAO HOOHALAHALA.

Ua hoomaluia na bipi ma Honolulu nei e ke Kiaaina, a pehea na lio? Nni loa no ka haunaele i ka lio, i ka holo ikaika loa ana iloko o keia kulanakauhale. Pilikia ka poe hele wawae, a me ka poe holo lio kekahi: makau na wahine a me na keiki i ka hele ma na alanui, o kuia i ka lio holo, a poino. Nolailn, e pono e hoomahi ina lio. Eia ka pono, e holo malie iloko o kulanakauhale, aole holo ikaika. O ka hewa nni nae a’u i ike ai, o ka holo ikaika ana i ka la Sabali. a haunaele loa. Pela kekahi poe e hana nei. Pehea keia? Aole anei huhu ke Akua i na’lii, ke palaka lakou, a waiho wale i keia hewa? E ke Kiaaina, e Kekuanaoa e, e nana mai oe i keia.