Ka Elele, Volume 3, Number 15, 11 November 1847 — Hoike kula ma Waimea, me Mana, me napepe. [ARTICLE]

Hoike kula ma Waimea, me Mana, me napepe.

E ka Elele, kahi kanaka mama i ke kukini, a puni keia mau Mokupuni. Aloha oe. I ka la 20 o lulai i hala’ku, me 2G,

29=3 la hoike, Ua hoike na kula hoole pope, me ke kula Kalolika, Apana 1, Mokupuni o Kauai. Na haumana hoole pope, 458 ka nui, hele mai i hoike 409, noho ma ka hale 49, kane 224, wahine 234. A 95. Heluhelu kookui 86. Heluhelu akamai 277. Helukamalii 140. Helunaau 108. Helukakau 119. Palapala aina 111. Hoike honua. Palapala Hemolele 13. Kakaulima 50. Anahonua 13. Hoike manao 4. Kakaukii 13. Na haumana Kalolika 22, ka nui, hele mai hoike 16, noho 6, kane 12, wahine 10, A 2, Heluhelu kuikui 4, heluhelu akamai 16. Heluhelu kakau 7. Makaukau no ka nui ma na ninau, hemahema iki no kahi poe, maikai no ka noho ana o kekahi poe he ano imi naauao; kekahi poe, he kolohe, walaau. Hele pinepine no na haumana ma ke kula, kakaikahi ka poe hoohala i ka manawa kula, mamuli e mahuahua ka pono o ko lakou noho ana, ka hoomau imi naauao. Pau ae la. Na’u W. B. Aka. TVaimea t Kauai, Sep. 8, 1847.