Ka Elele, Volume 3, Number 23, 3 March 1848 — Na mea hoopii imua o ka Ahaolelo [ARTICLE]

Na mea hoopii imua o ka Ahaolelo

E ka Elele; Eia no keia wahi manao paipai, a hoeueu, a hoike aku no hoi. Eia, ua kokoke ka manawa ahaolelo o na lii a me ka poe i kohoia; iloko o Apenla paha; a n.olaiia, ua lana kuu manao e hoomakaukau i na mea hoopii. Eia na mea a’u i manao ai. Oka hana poalua. Ua haawiia keia hana a pau loa no na Kula; aka, nui ka pilikia o keia hana. E aho, e pau ia, a ma ka uku pau, e kokua i ua Kula ma keia hope aku, e like me ka ka Elele 19, e hoopii nui i keia imua o ka Ahaolelo. Eia kekahi; c hoopii i Kanawai no na makaainana e hana lakou, aole noho wale, aia wale. No ka mea, ea, iua i pau ka paahao, aole hoi he luna nana e paipai ka hana, o ka noho wale no ia, a nahelehele loa ka aina. E kau i Kanawai. Eia kekahi mea hoopii, E hoololi hou ae i ke Kanawai no na holoholona; he oolea loa keia Kanawai, e kāu nei. Ina hookahi <lala ka uku uo ke komo wale ana o ka holoholona iloko o kahi i mahi, a hui me

ka uku no ka waiwai poho, e aho ia paha. Ua kaumaha loa na dalaelinia no ke komo wale iloko o ko hai wahi. Eia kekahi mea hoopu. O na ilio, e imi i Kanawai e emi iho ai, a e pau loa ai i ka make paha. No ka ilio kekahi ilihune o ka Aina. Eia kekahi mea hoopii; i Kanawai, i ole lakou e holo wale mai i Lahaina ame Honolulu. Ile hewa nni loa keia e make ai keialahuikanaka; oia ka mea e laha aku ai ka Inai pala, kaokao, kakio, ma keia mau moku puni a pau. Oia na mea hoopii a’u i noonoo ai. K. Alapai.