Ka Elele Hawaii, Volume IV, Number 7, 26 August 1848 — PALAPALA ALODIO. [ARTICLE]

PALAPALA ALODIO.

Honolulu, Augati 24, 1848 Ua wawa wale ia ma Honolulu nei, i keia mau la ihoho nei, no na aina i kuaiia ma Manoa: ua oleloia. ua pau i ka laweia na palapala alodio e kekahi mea koikoi a me na aina pu kekahi; a ua nele loa ka poe nana i kuai. Eia ka'u e hoike aku, he wahahee ia olelo; aole loa i laweia kekahi palapala alodio aole hoi i lilo aku kekahi aina i kuaiia ma ke ano alodio ma Manoa. Ua olelo nae kekahi alii mea aina ma Manoa, ua kuai hewa ia kekahi aina ona a nolaila paa oia i kahi ona i kuai hewaia. Aole nae i ko kona manao; aole ona lawe i ka palapala alodio a kanaka, aole no hoi i lilo ko lakou aina. He Oiaio keia; aole nae i pau, mamuli hoike hou no keia. Ikemaka.