Ka Elele Hawaii, Volume IV, Number 14, 2 February 1849 — Na Palapala Maoli. NO KA MAKE ANA O LEALEA KUHIKAU. [ARTICLE]

Na Palapala Maoli.

NO KA MAKE ANA O LEALEA KUHIKAU.

.,.;,^: ; Aloha: oe r ;'e ka Elele Hawaii, ke hai aku nei i nu ia oe, i ka make ana o L. Kuhikau i ka la 26 o Novemaba o ka M. H. 1848 i hala ae nei. 0 ka'u wahine aloha no ia. Ua loaa oia ia'u 1 ka manawa a Kamehameha I i hoi mai ai mai Oahu mai a mamua aku; a ma ia manawa mai a hiki i ka la 26 o Novemaba i liala ae nei; oia ka loihi o ko maua wa i noho pu ai. Iloko o keia ahiiiau ana kona w r a i make ai, he hi a mahope kulu a o ka make no ia. Kaumaha a ehaeha ko'u manao i ke kaawale ana o keia hoa aloha maikai; aka, no ko'u hoomanao ana i ke kauoha a ka Haku, nolaila, mama inai ka naau a oluolu no hoi iloko o 'keia lawe ia ana aku o ka hoa aloha oiaio, He wahine hoahanau no oia, he mua nae au a maho.pe'inai oia'; ma Kailua i Plawaii ko maua wahi- i komo ai ma ka berita a A. Kakiaa. Mai kona wa 1 komo ai iloko o ka eka!esia a hiki i kona wa i make ai, aole i lohe ia kona hewa a me kekahi mau mea e i e, aole loa; he wahine hooikaika i ka hana a ka Haku i ka. wa a maua e noho ana rnn Hawaii, paipai i'na wahine o Kekaha a ma Kainaliu no hoi. He wahine haipule o L. Kuhikau, pule mau, ua pule no na keiki a maua, a ua pule no hoi no na kaaaka. He wahine noho haahaa. He akahai ka noho ana, aole i lilo.i. ka haaheo; aole i ka manao i na mea o ke kino. Pela kuu ike ana i ka'u wahine aloha. • Ua manao no au e noho pu maua aole e hele e kekahi, aka, okoa ka manao o ka mea naiia i hana a okoa ko kanaka. Ua noho maua ma Hawaii a mahope hoi mai i Maui nei a komo iloko o ka berita a Kalaka ma Kaanapali nei. He niau keiki elua ka maua e noho nei. A ua kaumaha laua i ka make ana o ko la'ua makuahine aloha. Ke ike nei kakou, ua pae pinepine mai ka leo o ka Haku ia kakou, he leo kaimaha he leo nui, he leo weliweli. He pono ia kakou ke noonoō i ka hope.o ka make ana o ko kakou mau kino; e hoomakaukau no ka la e make ai, e hooikaika mamuli o ka ka Haku oihana, e like me ka'u wahine a me kekahi mau mea e ae. I kona wa i make ai, ua niake me ka okiolu ua hele oluolu iloko o ka Haku, o kona makemake noia e make iloko o ka Haku, pela ka paa ana o kona manao a make aku la no iloko o ka Haku. Auhea oukou e na hoahanau o L. Kuhikau, ma Kailua, ua make ko oukou hoa aloha iloko o ka Haku ua hele oia me ka pomaikai iloko o ka Haku. E hooikaika oukou i ka hahai ana ma ka Haku e like me L. Kuhikau, i make oukou iloko o ka pomaikai a ka Haku. Aloha oukou e ka poe e nana iho ana i keia wahi kumu paipai. Na E. Pa. līonokowai, Maui y Ianuari 15, 1848.