Ka Elele, Volume 8, Number 13, 26 July 1853 — KE KANAWAI. [ARTICLE]

KE KANAWAI.

Na ka imi ana i na luina mahuka maluna o na moku malahini. APONOIA MEl 26, 1853. E hooholoia e ke Alii, me na 'Lii a me ka Poeikohoia o ko Hawaii Pae Aina, i akoakoa iloko o ka ahaolelo, kau kanawai: Pauku 1. E hiki no i ka Ilamuku, na makai nui, a me na makai e ae ke imi i na luina mahuka maluna o na moku malahini iloko o kela awa keia awa o keia Aupuni, me ka palapala kena ole ke hoike aku lakou i ke Alii moku i ko lakou palapala hookohu makai ; Aka, aole e pili keia Pauku i.na moku manuwa, a i na moku e ae ke loaa i ko lakou kapena ka palapala hookolm mai kekahi Aupu ni o na Aina e, a i ke hiki ole hoi ke imi rnaluna o lakou ma ke Kanawai mau o na Aupuni. Pauku 2. Ina i hoole kekahi alii moku i kekahi makai, aole ia e komo iloko o kona moku, i kau wahi o kona moku paha, mahope o kona hoike ana i kaua palapala hookohu, e hooukuia oia i na dala, aole oi aku i ka iwakaluakumumalima. Pauku 3. E lilo keia i Kanawai ma kona la i hooholoia’i.