Ka Elele, Volume 8, Number 13, 26 July 1853 — KE KANAWAI. [ARTICLE]

KE KANAWAI.

E hoonohoho ana i inau Koniisiona no ke kukulu ana i mau Hale paahao ma ka Mokupuni Oahu. APONOIA MEI 26, 1853. E hooholoia e ke Alii me na ’Lii a me ka Poeikohoia o ko Hawaii Pae Aina i akoakoa iloko o ka Ahaolelo kau Kanawai; Pauku 1. Na ke Kuhina Kalaiaina, me ka ae o ka Moi me ka Ahakukakukamalu, e hoonoho i mau Komisiona ekolu no ke kukulu ana i na hale paahao ma ka mokupuni Oahu, a e noho lakou me ka uku. Puuku 2. Ina i make kekahi o na Komisiona, a i haalele paha i ka hana, no kekahi kumu e ae j)aha, alaila na ke Kuliina Kalaiaina, me ka ae o ka Moi me ka Ahakukakukamalu, e hoonoho i pani hakahaka. Pauku 3. Na na Komisiona e wae, a e imi loaa i kahi kupono no ke kukulu ana i mau hale paahao elua, hookahi no na lawehala kane, a hookahi no na lawehala wahine; a e kukuluia ma ka mokupuni Oahu. Aole hoi e emi iho malalo o ka mile hookahi ko laua kaawale; a e kukulu koke lakou malaila me ka hoololi ole i mau hale a me na j>a, ke manao lakou he mea kuponoia no ka j)aa ana me ke ao ana a me ka hoohana ana i na lawehala. Pauku d. E hiki i na Komisiona ke manao lakou he pono, ke kukulu ma ke kauwahi iwaena o ke kulanakauhale o Honolulu, i wahi hoopaa no ka poe mahuka o na Moku, a me ka ka poe i hoopaaia e hookolokolo imua o na Ahahookolokolo. Pauku 5. No ka hana i oleloia ma na Pauku 2, ke 3 a me ka 4. o keia Kanawai, e hiki no i na Ko:nisiona a i kekahi mau mea elua paha o lakou, ke kuai ma ka inoa o ke Kuhina Kalaiaina a no ke Aupuni Mawaii, i aina kahi e kukuluia’i na hale paahao; e hoolaha ma ka Nupepa i na mea hoike mai no ke kukulu ana; me ka hooli'malima ana, no na mea, a me ka hana i paa poiio ai, a e paa pono ai paha ia hana. Pauku 6. E iiiki no i na Komisiona a i kekahi mau mea elua paha o lakou ke kikoo aku i ke Kuhina Kalaiaina i dala, i mea e pono ai ka liana i haawiia maluna o lakou ma keia Kauawai; aka aole e oi aku keia mau dala maluna o na dala i hookaawaleia e ka

Ahaolelo no ke kukulu ana i na hale paahao ma ka'Mokupuni Oahu. Pauku 7. Ma ka la 31 o Dekemaba o kela makahiki keia makahiki a mamua mai paha, e hoike aku na Komisiona i ke Kuhina Kalaiaina no ko lakou mau hana, me na palaj)ala hookaa, a me na mea i hooliloia. Pauku 8. Oke kauwahi oka Pauku 1 a me 2 o ke “Kanawai hoomalu a hooponopono i na hale paahao” i hooholoia i ka la 4 o Augate 1851, i pili i ke kukulu ana i na hale paahao ma ka Mokupuni Oahu, ua hoopauia. Pauku 9. E lilo keia i Kanawai i kona la i hooholoia.