Ka Elele, Volume 8, Number 17, 29 October 1853 — KE KANAWAI. [ARTICLE]

KE KANAWAI.

E hooponopono ana i ka nui o ka Poeikohoia e na Makaainana, APONOIA, MEI 2G, 1853. No ka mea, ma ka Pauku 76 o ke Kumukanawai, ua haawiia i ka Ahaolelo ka hoopoHopono ana o ka Poeikohoia e na Makaainana ; Nolalaila, A hooholoia e ka Moi, me na ’Lii a me ka Poeikohoia o ko Hawaii Pae Aina, i akoakoa iloko o ka Ahaolelo kau Kanawai. Pauku I. No ke koho ana e lilo na Mokupuni o Molokai a me Lanai i Apana hookahi, a e kapaia oia ka Apana o Molokai. Paiiku 2. E huipuia ka Moku[»uni o Niihau me ka Apana o Kona (mai Nualolo a hiki i Hanapepe) ma ka Mokupuni o Kauai. Pauku 3. No ke koho ana e maheleia ka Apana o Kona, Mokupuni o Hawaii i elua Apana, penei, o Kona Akau, mai Keahualono a hiki i Puohao, a me Kona Homa, mai Puohao, a hiki i Kaheawai. Paukh 4. Mai ka makahiki 1854 a hiki i ka makahiki 1859 eia ka nui o ka Poeikohoia e na Makaainana no ka Aha kau Kanawai, penei, No ka Mokupuni o Hawaii, ewalu. penei,

Hookahi no ka Apana o Kona Akau. Hookahi no ka Apana o Kona Hema. Hookahi no ka Apana o Kau. Hookahi no ka Apana o Puna. Hookahi no ka Apana o Hamakua. Hooknhi no ka Apana o Kohala. Elua no ka Apana o Hilo. No ka Mokupuni o Maui, eono, penei, Elua no ka Apana o Lahaina Olowalu, a me Kahoolawe. Hookahi mai Waihee a hiki i Honuaula. Hookahi mai Kahikinui a hiki i Koolau. Hookahi mai Hamakua a hiki i Kula. Hookahi no ka Apana o Kahakuloa a me Kaanapali. No ka Apana o Molokai, elua. No ka Mokupuni o Oahu, ewalu, penei, Eha mai Maunalua a hiki ma Moanalua. Hookahi no ka Apaua o Ewa a me Waianae. Hookahi no ka Apana o Waialua. Hookahi no ka Apana o Koolauloa. Hookahi no ka Apana o Koolaupoko. No ka Mokupuni o Kauai, ekolu, penei, Hookahi mai Nualolo a hiki ma Hanapepe (me Niihau pu.) Hookahi mai Wahiawa a hiki i Wailua. Hookahi mai Kapaa a hiki i Awaawapuhi. Pauku 5. No ke Kuhina no ke Ao Palapala e kena aku e pai i 500 kope o keia Kanawai, ma ka Olelo Hawaii, a hoolahaia ma keia Aupuni, ma ka malama o Novemaba, 1853. Pauku 6. E lilo keia i Kanawai mai kona la i hooholoia’i.