Ka Elele, Volume 8, Number 20, 5 December 1853 — ALOHA OUKOU E NA KANE WAHINE MAKE, A ME NA WAIHNE KANE MAKE [ARTICLE]

ALOHA OUKOU E NA KANE WAHINE MAKE, A ME NA WAIHNE KANE MAKE

Ua liiki mai kekahi mau palaj)ala “kanikau,” a me kekahi nmu palapala “aloha,” no na kane a me na wahine i make aku nei i ka “mai puupuu liilii.” Nui na palapala i hiki mai me ke kauoha, e pai ma ka Elele. Aka, aole hiki pono ke pai ia lakou a pau. no ka mea, ua piha e ka Elele i na “Kanawai,” a me na “olelo Hoolaha,” no ke Aupuni. He wahi pepa uuku ka Elele. Pono paha ma keia hope aku, ke hoomahuahua ia ia; a i ole ia, pono paha i ke Aupuni ke pai i ko lakou mau Kauawai, a me na Olelo Hoolaha, ma ka pepa okoa. He nui wale o na manao i makaukau e paipai ia kakou no ke Aupuni o ka Haku; a no ka hele ana o na misionari i ka aina e; aole nae hiki ke pai i ua mau manao la, no ka mea, ua piha c ka pepa i na mea o ke Aupuni. Eia kekahi manao kanikau, o ka mea e hooponopono ana i ka Elele i keia manawa. O ka manao nui o kanaka e noho nei, i ko ke kino; a o ka palaka loa i ko ka Uhane. Kai noa, o ka mai ahulau ka mea e hooweliweli i ka lahuikanaka, a c paipai ia lakou e mihi i ko lakou hewa, a e hoolaulea koke mai i ke Akua. Aole ka! Nolaila, aole j>ono ke uwe no ka poe i make wale no; aka, no ka poe e ola ana kekahi; no ka poe e hele ana i ka hoomana kii, a me ka poe i 4 |)uniia i ka wahahee ; a no ka |)oe e hoahu ana i ko lakou waiwai ma ka honua nei, kahi e pau ai i ka mu a me ka popo.