Ka Elele, Volume 8, Number 20, 5 December 1853 — MOKU AHI. [ARTICLE]

MOKU AHI.

Ua liiki mai ka Mokuahi, mai Kalelonia mai, o Akamai kona inoa. Pomaikai ka poe makemake e holo mama, e makaikai i keia mau aina puni; e lawe ukana paha, a me ka waiwai paha, no ka hiki wawe ma keia moku. Aole kakali keia moku i ka makani, e like me na moku pea. A hiki mai kona la, a me ka hora e holo, o ka holo no ia. Ina mr,mua mai ka makani, e holo no; i na he pohu, maknni ole, e holo no. Pono i ka poo minamina i ka manawa ke holo ma keia moku, no ka mea, e hiki wawe aku, a e hoi wawe mai. Pomaikai na haole, a me na kanaka maoli, ke lilo keia moku ahi i kamaaina ma Hawaii nei.