Ka Elele, Volume 8, Number 22, 28 December 1853 — Untitled [ARTICLE]

Boncbi, 17, Maraki 1853, Aloha oe e L. Kamika, kuu kumw aloha. Nau e hai aku i ko maua aloha, a me ko maua manao i na ekalesia a pau. Aloha oukou a pau, mai ke Akua mai, a mai ko kakou Haku o Iesu Kristo. Ke hai aku nei au ia oukou i ko makou noho ana. Ua noho makou ma ka lokomaikai oke Akua, a me koua aloha pau ole. Ke kaena aku nei au ia oukou i ka lokomaikai oko kakou Akua, oia no ka i hoonoho iho ia makou i keia aina makamaka ole; oia ka i kiai ia makou, a hoomalu i ko makou noho ana, a me ko makou waiwai, aole i hao ia e na kanaka. aole hoi i lilo ko makou ola e noho nei. Penei ko’u pane aku ia oukou, e kuu mau makamaka alolia iloko o keia hana hookahi. Eia no ka ke Akua hana e ala kakou; e pule i ke Akua, e pau ka hiamoe. “Ala’e oukou e mele pu.” No ka mea, ua hiki ia oukou ke ala’e, a hana i keia hana, no ka rnea. he mau hana nui keia hana i kona poe kanaka ia kakou. £ lawe kakou i na makana maikai i haawi ia mai e ke Akua; oia hoi ke aloha, ka manaoio, ka haipule, ke kukulu ana o ka naau maluna o īesn; oia ka mea e kupaa’i ke kanaka i ka hoowalewaleia mai; aole e haule i ka hewa. O ka makau ia Iehova kekahi mea pono, oia ka mea hookaawale aku i ka hewa mai o kakou aku. A pau keia rnau mea i ka hoomanao ia e kakou, alaila pomaikai ko oukou noho ana, a pomaikai hoi ko makou neho ana, a pomaikai hoi ka noho ana o na keiki opiopio a kakou, oia hoi na kanaka a me na’lii o ke aupuni o Maikonisia nei, a makou e noho nei; aka, i loaa ole keia mau mea ia kakou, heaha ka mea like? E aho ka hoi ana o kakou a pau i ka lua kupapau. Auhea oukou, e kuu mau makamaka aloha iloko o ka ke Akua hana, i hele ai i ka ua me ka la, ke anu me ke koekoe, ka wela a me ka mahana; ua noho iho onkou me ka kakou mau kumu aloha me L. Kamika ma, a ke noho nei hoi makou ma keia ainaopiopio, a mahope paha oo mai, ke pono ka hana a kakou. Ua nui oukou, ua lehulehu hoi. Heaha ka mea hiki ole ia oukou ke hana, ke hapai pu oukou? Ke aloha aku nei ko makou alii ia oukou, ua hai aku au i ko oukou aloha ia ia, me na’ !ii a pau malalo iho ona. Ke ao nei ke ’lii i ka A haole me kana wahine, me kana kaikamahine; ua ike kana kaikamahine, i ka heluhelu, kakau lima. E hnli mai oukou, e na haipule o ke Akua kiekie loa, i pio iho ka hana a ka poe aia, a lanakila ae ka ke Akua hana ma luna o ka poe hewa, oia ko kakou oluolu me ka hauoli nui; palekana na haipule, pii i kahi nani mau loa, aole loa e haule, hapai i kona mana mau.

Pela paha ke ano o ka poe haipule ma kela ao, malaila mau loa lakou, ia ao aku, ia ao aku, a mau loa aku no. Na’u na ko oukou wahi makamaka uuku e noho ana i ka aina o Bonebe, aupuni o Maikoniaia»