Ka Elele, Volume 8, Number 22, 28 December 1853 — MANAO PAIPAI I NA EKALESIA MA HAWAII NEI [ARTICLE]

MANAO PAIPAI I NA EKALESIA MA HAWAII NEI

Aloha oukou e na hoahanau ekalesia a pau ma ko Hawaii pae aina. Ua kokoke pau keia makahiki. He makahiki ano e keia. Ua lana loa ka manao i na malama mua o keia makahiki. No ka mea, ua hoomaka oukou e malama iko oukou poe kahuna pule, aua hoomaka oluolu hoi oukou e kokua mamuli o kekahi mau misionari, i hala’ku ma na aina pegana. He mau hana maikai keia no ko Iesu poe kanaka; no ka poe i niakemake e

hiki mai kona anpuni. Aka, iwaenakonu o ka makahiki ua hiki mai kekahi mai ahulau, a nui ka poe paahana, ua pau i ka make. Nui ka poe i kokua i ka lianai kumu; a i kokua hoi i ka pule mahina hou, ma na ekalesia ma Oahu nei, ua pau i ka make. He hapa paha ka popilikia ma na mokupuni e ae, aka, ma Oahu nei ka pilikia nui, no ka nui loa o na hoahanau i pau i ka make. Aole nae pono i na hoahanau i koe, ke noho kanalua no keia mau oihana, o ka hanai kahuna pule, a me ke kwkua mamuli o na misionari ma na aina e. No ka mea, ua maopopo, e hiki mai ana ko Iesu aupuni, a e moni auanei ia i na aupuni e ae a pau loa. Pomaikai hoi ka poe mea kuleana iloko o keia aupuni. Eia kekahi manao. Ua mahuahua ka hana no na hoahanau i koe. Aole pono ke hoi ihope, aole loa. E hapai hele kakou, me ka manao ikaika, kanalua ole; alaila lokomaikai ke Akua ia kakou. E hoolilo kakou i ko kakou kokua ana, i hoailona o ko kakou aloha. 0 ka mea e aloha nui ana i kona kahuna pule, e kokua nui ia ia; a o ka mea i aloha nui i na uhane o ko na aina e, e kokua nui malaila. Pono i kela ekalesia keia ekalesia ma Hawaii nei.ke hanai i ko lakou kahuna pule. Ina he manao aloha pela, e hiki no. Ua palaka loa kekahi poe ma keia hana, aole o lakou manao, aole nae makemake e haawi i ko lakou kumu haole, i ka mea e pono ai kona noho ana m-3 lakou. E malama lakou i na lio, a me na hoki, a me na bipi kauo, no ka mea, he hapa ka lakou hana ke waiho wale ia lakou, 1 ka ai ole. O na paahana e ae a pau, ua loaa ia lakou ka uku no ku lakou hana ana; i ole, e haalele koke lakou i ka hana. Ina e haalele na kahuna pule a pau i ka lakou oihana, a huli i na hana no he kino wale no, e loaa paha i ke ola o ke kino; aka, aole lakou e makaukau e hai aku i ka olelo a ke Akua, ke lilo loa i ka hana no ke kino i na la eono. No ka mea, ua luhi e ke kino; a ua wiwi hoi na manao. Ke malama nei na haole i ko lakou kahuna pule; na haawi lakou ia ia i elua tausani dala i ka makahiki; nolaila, e hiki ia ia ke hoolimalima i na ohua e hana i ko ke kino; a ua kaawale oia e hoomakaukau i ai no ko lakou poe uhane. Ma ka Elele 21, ua ike kakou i na tausani dala e lilo ana i ka Moi, a me kona poe Kuhina; a me na Kiaaina, a me na luna kiai, a me na luna hookolokolo ma keia pae aina. Aka, auhea kekahi oihana, ka i oi aku kona maikai i ko ke kahuna pule? Aole hemahema anei keia aupuni, ke haalele na kahuna pule a pau i ka lakou oihana? Hemahema loa! E ike koke na’lii, a me na haole, na kamaaina, a me na malihini, na hoahanau, a me ka poe hoomaloka, ua popilikia loa. No ka mea, e hiki k©ke mai ka haunaele, a me na hana ino he nui wale. O ka malama pono i na kahu-

na piile, oia k<3kal»i mea e iiiāhuahua ai ka waiwai o ke aupuni; a me ka waiwai o na haole kalepa; ame na kanaka mahiai; me ka poe hana hoolimalima. Nani ka naaupo o ka poe i manao, he pono i ke kumU haiola, ke noho ilihune, noho pololi; a hana alolia wale no. O ko ke Akua manao, e haawi kela mea keia mea i ka hapaumi o kona waiwai, i mea e pono ai na kahuna haiola. Nolaila, ina makemake kekahi i ka Haku e lokomaikai mai i Uona uhane iho 3 mai haalele oia i kona kahuna pule. Ua malama no kekahi mau ekalesia i ko lakou kumu haiola. 0 ko Hilo ekalesia, ko Kohala; ko Makawao, ko Lahaina, ko Molokai, a me ko Kawaiahao; he mau ekalesia ku okoa lakou, e malama ana 1 ko lakou mau kumu. O kekahi mau ekalesia, ua kokua hapa lakou; a no Amerika mai kekahi mau mea e pono ai. I keia makahiki hou, pono i na ekalesia a pau, e ala me ka ikaika, a e malama i ko lakou kumu.