Ka Elele, Volume 8, Number 22, 28 December 1853 — KA HOPE O KA MAKAHIKI. [ARTICLE]

KA HOPE O KA MAKAHIKI.

Aloha oukou, ena makamaka oka Elele Hawaii. E lele ana ka manawa, ua kokoke pau ka Makahiki 1853. E like me ka hele ana o kanaka i ka make, a hoi ole mai, pela ka Makahiki 1353. e hele ana. aole ia e hoi mai. Pono i kela mea keia mea o kakou e nana ia ia iho, a hoomano i kana hana ana, mai ka la mua o lanuaii, a hiki i ka la hope o Dekemaba. O na hewa a pau a kakou i hana’i e mihi, a e hoopau aku. E hooponopono ina mea hihia, a me na mea popilikia e pili mai ana. O na hana i koe, e kupono ia kakou e hana aku ai, e hana koke no. E hookaa ina aie a pau. O ka hai waiwai a pau, a kakou i lawe lilo ole mai, e hoihoi aku. Mai lawe kakou 5 ka luhi, a me ka ino o keia makahiki, iloko 0 ka makahiki hou. E hookuu i ka makahiki kahiko, me ka manao, e malama pono ia kakou iho ma keia hope aku, e pule hooki ole; e pule ma kahi malu, e pule ohana, a e pule anaina; e malama i ka la Sabati, a e heluhelu pinepine i ka Eaihala, ame ke kauoha hou, ame ka Ai oka La: no ka mea, nla ka lua kupapaū kahi a kakou e hele nei; aole hana, aole pule 3 aole manawalea, aole Sabati, aole Baibala, aole kahuna pule, aole kula, aole kumuao, aole loa no. Ano ka manawa e maliu aku ai i ke Akua; ano ka la e ola’i. Nolaila, e aloha aku kakou ia Iehova. i ko kakou Akua, me ka naau a pau, a me ka .uhane a pau, a me ka ikaika a pau; a e aloha aku i ka hoalauna, e like nie ko kakou aloha ia kakou iho.