Ka Elele, Volume 8, Number 23, 5 January 1854 — NO KA ELELE HAWAII [ARTICLE]

NO KA ELELE HAWAII

Eia ka’u wahi makana ia oe, a nau ia e lawe aku ma na kai ewalu o keia moana Patifika a lewa aku. Eia ua wahi makana la. I ka la 11 o Sepatemaba. 1653. oia ka lu Sabati, iie ahaaina ekalesia a ka Haku ma Milolii. Ua hoi mai kekahi poe hihia, mai ko lakou auwana . ana, me kekahi poe Pope, a komo i keia ahaaina. A pau ia. i ka poalua, oia ka la 13 Sepafemaba, he ahaaina ekalesia a ka - Haku ma Kealia, e like me ka ahaaina i ka la Sabati. Akahi wale no ko’u ike ana i keia hana kupanaha a ka Uhane Hemoiele ma Kona Hema nei; o ka-la Sabati wale no ka rnea i maopopo ka la ahaaina, aole i na la e ae. A i ka la 25 o Sepatemaba nei he ahaaina ekalesia ma Kepulu nei, he Sabati no ia; kupono ia i na ahaaina a pau ma keia Pae aina; ma ka lanaika ahaaina no ka hale ole. A ke hoomakaukau nei na mea e paa ai ka Luakini o ka Haku. Eia kekahi; no Hilo keia olelo. He mea hana mau ka ua no Hilo. Eia ma Kona Hema nei kela olelo a ku poe kahiko. He mea hana mau ka ua ma Kona Hema, i keia Sabaii keia Sabati. No ka mea, ua hoo- | manao mai ke Akua ma ka pule a ka poe haipule, no ka pilikia o kanana i ka wa mamua no ka wi. Hele mau lakou i ka nahele- : hele i ka imi Hapuu, Pala, Hoi, Pia, Ki, ! o keia mea kahiko, ua pau ia. Ke haawi | mai nei ke Akua i ka ua, i oluolu pono ka honua; a ke malii nei na kanaka i ko lakou kihapai, ua oluolu pono ka aina. Pela hoi ka Uhane Hemolēle e mahi ana i ka naau o ka poe hoomaloka, i ka ke Akua liana; o ka hele mau i ka lialawai me ka hapai pono i kana oihana. Pela ka manao o na haipule me ke kahu o

ka ekalesia, e hapai ana ike kea o Kristo ma Kona Hema nei. Ena haipule oke Akua mai Hawaii a Kauai, e alu ka pule ia Iehova, i ola ka aina, i pau na pilikia kahiko, a loaa mai ka mea hou a ka Uhane e hoopuka mai ai, e like me keia mea hou ma Kona Hema nei, me ke aloha ia oukou ma o Iesu la. Na Z. Kapahi. Napoopoo, Hawaii, Sepatemaba , -6 1 85'3.