Ka Elele, Volume 8, Number 24, 16 January 1854 — OLELO HOAKAKA NO KA ELELE HAWAII. [ARTICLE]

OLELO HOAKAKA NO KA ELELE HAWAII.

Auhea oukou e na kanaka Hawaii a pau loa. Ua lilo hou mai ia’u ka hooponopono i ka Elele Hawaii, a nolaila ke hoakaka’ku nei au i ko’u manao no ia mea. J. E mau no ke pai ana i ka Elele, elua iloko o ka malama hookahi; a o kona ano, oia mau no, e kokua mamuli o ka naauao, a me ka pouo, a me na hana maikai a pau, e pono ai ko Hawaii nei. 2. Mamua, he hapaha ka uku makai iki no ka Elele; a ua nui ke poho, nui ka lilo, uuku ka loaa mai. Nolaila, he hapalua ka uku ma~ kahihi no ka Elele ma keia hope aku; a e uku ia mai iloko o na malama ekolu, mahope iho o ka puka ana o ka pepa mua. Ina i kaa ole ia wa, e oki kona pepa, a e uku mai oia i kelā hapalua. Mai lawe i ka Elele ka poe makaukau ole e uku. No ka mea, nui ka lilo no ka pepa, Inika, a me ke pai ana. 3. O na Kahukula a pau, o lakou na luna no ka Elele, malalo nae o na Misionari. Na na Kahukulae paipai i na kanaka, a me na Keiki akamai, e lawe i ka Elele; e malama i na pepa inoa, e ohi i ke dala o ka poe lawe, a e

Iiaawi i na Misionari. A o ko na Kahukula uku no keia liana, o ka liapaumi o na dala loaa,a haawi ia mai. E pono no hoi no na Kahukula ke hoonoho i na Kumu Kula, a me na rnea e ae paha malalo o lakou, i mali Luna o ka Elele; a o ka mea imi a loaa na kanaka Iawt Elele he 10, a ohi i ka uku no ia mau Elele he $5, e haawiia ia ia kona Elele me ka uku ole. 4 Ehoopukaia ka pepa mua i ka la 1 t Maraki, a e pono ke huli a hai koke mai na Kahukula, a me na Misionari; i ka nui o ns Elele a lakou i makemake ai. Mai lolii i keia e huli koke, a e hai mai. 5. Ke lana nei ko’u manao e hooikaika maoli i keia hana, i lohe oukou i ka nu hou,i kela manawa i keia manawa, a me na Kanawa hou, a me na mea, no na Aina e mai. Nolaila, ea, oukou kekahi c hooikaika, e heluhelu ka Elele, Mai hana ia i lupe, mai waiho wale mai hoopanee i ka uku; no ka mea, o ke dalt ka mea e hiki ai ke pai ana. Mai manao oukou, e waiwai ana au mt keia hana; aole loa e loaa ana ia’u ke keneU hookahi. Eia wale no ka’u, o ka luhi, k( kaumaha, o ka imi, a me ka hooikaika mt keia mea e naauao ai oukou na kanaka. Eia ka pau; o na Kahukula, a me na Luna Kanawai, a me na Kumu Kula, a mt ka poe noiau, a me ke akamai, e hai mai i ka nuīiou o ko oukou mau wahi, a me namanat kupono e pai ma ka Elele. E palapala me ka liina maikai, a me ka pokole; mai hooloihi loa ika olelo, o komo ole. Aloha oukou, Limaikaika. Honolulu. lan. 9. 1854.