Ka Elele, Volume 9, Number 1, 1 March 1854 — HE KANIKAU ALOHA NO L S UA, KE KUMUKOKUA MA KE KULANUIO LAHAINALUNA I MAKE AKU LA. [ARTICLE]

HE KANIKAU ALOHA NO L S UA, KE KUMUKOKUA MA KE KULANUIO LAHAINALUNA I MAKE AKU LA.

Aloha oe e L. S. Ua, Ka pua Oiiwa mohaluhalu i ke Awakea, I hoopuln ia i ka waiala Lusini. Ka laauae paoa i na moku, Moani aku la kou ala ma na welau eha e ka honua; Pauole kou nani e malama ia nei, E ou mau kini a me na hoaluhi, Nahoa o kahi ai kailiili nuku, Pili ka hanu ka maeele i ke aloha ia oe: f Ke uwe loulani kou hoa pili o kau wahine p Ke uwe holoholo nei kau Kamaiki, Na hoa luhi, lawelawe naauao. Noho me ka minamina na makua 5a oe, L W. P. Alexaneder, J. F. Sogue, Ke noho nei laua me ka minainina. Ka haloiloi o ka waimaka ia oe la-e. Lilo aku la oe i ka moiniu, I ka Welelau o ka makani, Pau kou ike ana i na hakuepa o keiaao, Pau kou launa ana me na pokii ou, Aia hoi oe ke lauana la me na Puali o k lani. Ke ike la oe ia Nanipauole, O ia ka mano lana nui, Mai ka vva o Adamu a hiki i ka hopena. O ko kakou mau lioia i koe kokoke no pau,

He u, he aloha ia oe, e L. S. Ua. Ka mea leokanikiekie o na mea kani a pau, Ka Pu kuniahi kani nakolo i na moku, Momoku Hilo i ke kai la-e, Pau ke one k’eala e hiki ai, Pale ka ike i ke kino o Kalokiui, Ol<a papanehe a ke kai i ka halahala e. Hala c aku nei oe mamua, E hoomakaukau i ke ala no kou mau pokii. He u. hc kanikau, he aloha ia oe. Ka Opua hikiawakea o Lahainaluna, O ke kolu hoi oe o na makua hanai ike, Ua pau ka luhi ia oe la-e. Palekana aku la oe, Ua kau Kauluna o Welehu ka malama, E malama ae ana no i na kamanleo. A ke ahe makani o Puna he malanai. E L S. Ua e, hc aloha ia oe, Kuuhoa o ka la welawela o Lahaina, Me ka piina ikiiki o Puopelu, Kuuhoa i ka ihona o Kul.lole. Me ka malu kukui o Halona, Kuuhoa o ka waihuihui o Auwaiawao. Me ka olu o Maunaihi, E uwe mai ana ia oe, ma kahikiku kahukimoe, Moelolii i ke kai o Kristo, Iesu. Ko kakou Haku i ke ao pau ole, E kamau ae makou i Kahalauaola, Ua ola aku la oe i ka pua aneane, E kilo ana i ka ipu lai Hauola. He ipu lai Hauola na ke Kaao, Na ka makani halihali ala o Kalalau, E lalau aku ana makou ia oe.-a e; Aole e loaa la-e, Ua lilo aku la oe i Manuakepa, E halawai ai me ko laila poe, Me na Anelao Hukihukilani, E lele hoolahalaha ia’na; Me olelo ma ko lakou waha, E olelo ana, ihiihi ka Haku o ke ao; Ike aku la hoi oe i ko laila anaina, Me ko laila poe maikai, Na Anela a pau loa, Patiraea Hawaii, D. Malo, kekahi pua na Revi’ Linolino launaole kou wahi i hele aku la, Me kou papale mahiole alii, O ke anuenue kou kaei, O na hoku umikumalua, oia kou lei a lil, Noho pu aku la oe, me ka Haku Sabaaka, Aia ma kou alo kona Paresaito, O ka nani o Himele kau e hiipoi la; IIii oe ika ka mea lahaole, Waiho kou kino i ka honua nei, Waiho kilohana kau mau hana maikai, Oia no o Niolopua numilu, A me Hiilawe wehewehe, Wehe i ka piko la e ka hoahanau. Aole hoi na la kuu pili makamaka. Kuu hoa i ka lepo a ka makni, Kahoolua makani, Kanaulu, Na laua i kuehu a ula ke kula, Ula makalehua, ke kula i ka lepo a ka makani. Kani haaheo ka manu i luna o ka laau; Wa iho nei makou, i ka pihe a ke auhee, Auhee ai ka honua, aole mea koa maiAla ala make, make ka honua i ka lelemua ana:

He hope ka Iehova, ka ke Akua. He Akua Iesu, he hiwahiwa na ka makua, Makua ia no kakou, he Hoola maika lani mai. O ka Haku ke Akua, ka mea e maha’i, Maha kakou ia w r ai? Maha ia Iesu, maha e, maha loa, J. W. Kuhelemai. Lahainaluna, Feber. 17, 1834.